ستۋدەنتتەردى ليتسەنزياسىز وقىتقان كوللەدجەر انىقتالدى

كوميتەت ۇسىنعان دەرەكتەرگە سايكەس, بيىل ەلىمىزدىڭ 520 كوللەدجى مەملەكەتتىك اتتەستاتتاۋدان وتەدى. باقىلاۋ ءىس-شارالارى باستالار الدىندا ولاردىڭ ارقايسىسىندا اقپاراتتىق-ءتۇسىندىرۋ جۇمىستارى جۇرگىزىلدى.

«مەملەكەتتىك اتتەستاتتاۋدى وتكىزۋ ليتسەنزياسىز ءبىلىم بەرۋ قىزمەتىمەن اينالىساتىن كوللەدجدەردى انىقتاۋعا ىقپال ەتتى. بۇل - قوستاناي وبلىسىنىڭ دەنيسوۆ كاسىپتىك-تەحنيكالىق كوللەدجى, قاراعاندى وبلىسىنىڭ ا.مۋسين اتىنداعى بالقاش گۋمانيتارلىق-تەحنيكالىق كوللەدجى, قاراعاندى جوعارى گۋمانيتارلىق كوللەدجى, تەمىرتاۋ جوعارى پوليتەحنيكالىق كوللەدجى, اقتوبە گۋمانيتارلىق-تەحنيكالىق كوللەدجى», دەپ ناقتىلادى كوميتەت توراعاسى ەرنۇر داۋەنوۆ.

سونىمەن قاتار 315 تەحنيكالىق جانە كاسىپتىك ءبىلىم بەرۋ ۇيىمدارىنىڭ 198-ءى اتتەستاتتاۋدان وتپەگەن. ولاردىڭ نەگىزگىلەرى اقمولا, قاراعاندى, باتىس قازاقستان, الماتى, قىزىلوردا, پاۆلودار, تۇركىستان وبلىستارى مەن جەتىسۋ وبلىستارىندا ورنالاسقان.

اتتەستاتتاۋدان وتپەۋدىڭ نەگىزگى سەبەپتەرى - تجكب ۇيىمدارى ازىرلەيتىن ءبىلىم بەرۋ باعدارلامالارىنىڭ, وقىتۋشىلاردىڭ ساپالى قۇرامىنىڭ مجمبس تالاپتارىنا سايكەس كەلمەۋى.

بۇدان باسقا, وندىرىستىك وقىتۋدى جوسپارلاۋ مەن وتكىزۋدەگى, وقىتۋ ناتيجەلەرىنىڭ جەتىستىكتەرىن باعالاۋداعى, ەرەكشە ءبىلىم بەرۋ قاجەتتىلىكتەرى بار ءبىلىم الۋشىلار ءۇشىن جەكە وقۋ باعدارلامالارى مەن جوسپارلارىن دايىنداۋداعى بۇزۋشىلىقتار انىقتالدى.

بۇل رەتتە استانا جانە الماتى قالالارىنىڭ, سولتۇستىك قازاقستان, قوستاناي, اتىراۋ وبلىستارىنىڭ كوللەدجدەرى جاقسى ناتيجە كورسەتىپ وتىر.