زاڭداستىرۋدىڭ العاشقى 20 كۇنىنىڭ قورىتىندىسىنا سايكەس قازاقستاندا 27 مىڭعا جۋىق كولىك قۇرالىن تىركەۋ جۇرگىزىلدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
تاعى 65 مىڭنان استام اۆتوكولىك الدىن الا تەكسەرۋدەن ءوتىپ, نومىرلىك اگرەگاتتاردى سالىستىرۋعا جانە ودان ءارى تىركەۋگە جىبەرىلدى. سونىمەن بىرگە ءىىم اۆتوكولىكتەردى زاڭداستىرۋ پروتسەسىندە تۋىندايتىن پروبلەمالىق ماسەلەلەردى شەشۋ ءۇشىن تالداۋ جۇرگىزىپ جاتىر.
اتاپ ايتقاندا, زاڭداستىرۋ پروتسەسىندە كوبىنە باسقارۋ ورگاندارى وڭ جاقتا ورنالاسقان اۆتوكولىكتەر انىقتالدى, ولار ەل اۋماعىنا قوسالقى بولشەكتەر تۇرىندە اكەلىنىپ, كەيىننەن قازاقستان ازاماتتارىنا ساتىلعان.
اتالعان كولىكتەر بويىنشا ىشكى ىستەر مينيسترلىگى مەملەكەتتىك ورگاندارمەن بىرلەسىپ, ولاردى قازاقستان رەسپۋبليكاسىندا باستاپقى تىركەۋدىڭ قۇقىقتىق تەتىكتەرىن ازىرلەدى. قازىر زاڭمەن رەسىمدەۋ جۇمىستارى جۇرگىزىلىپ جاتىر.