جۇرتتى جارىلقايتىن جوبا

ءبىر ەسكەرەتىن جايت, بۇل جەردە مەملەكەت اۋىلداعى قوسالقى شارۋاشى­لىقتار مەن كووپەراتيۆتەردىڭ دامۋى­نا ەرەكشە كوڭىل اۋدارىپ وتىر. ياعني جىلدىق مولشەرلەمەسى 2,5 پايىزدان اسپاي­تىن, مەرزىمى 7 جىلعا دەيىن بەرى­لەتىن قارجى قۇرالىنا قول جەتكىزۋ ءۇشىن ازاماتتار كووپەراتيۆ قۇرۋعا ىنتا­لى بولۋى كەرەك. سەبەبى شارۋالار بىرىكسە, الاتىن سومالارى دا ەسەلە­نە تۇسەدى. نەسيە مال, قۇس پەن وسىم­دىك شارۋاشىلىعىن دامىتۋعا, كووپە­را­تيۆتەردى جابدىقتاۋعا جانە اۋىلشا­رۋاشىلىق ونىمدەرىن وڭدەۋ با­عى­تىن­دا شاعىن كاسىپكەرلىك اشۋعا باع­دار­لانعان. مال شارۋاشىلىعى ءۇشىن نەسيە 7 جىلعا دەيىن, ال وزگە دە باعىتتارعا 5 جىلعا دەيىن بەرىلەدى دەپ كورسەتىلگەن.

وڭىرلىك اۋىل شارۋاشىلىعى باسقارماسى باسشىسىنىڭ ورىنباسارى نۇرالى قابيەۆ پاۆلودار وبلىسىنا رەسپۋبليكالىق بيۋدجەتتەن 1,5 ملرد قاراجات بولىنگەنىن, وسى ايدىڭ سوڭىنا دەيىن كونكۋرستىق جۇيەمەن تاڭداپ الىناتىن وپەراتور ناۋرىزدا قاراجاتتى شارۋالارعا ۇلەستىرە باس­تايتىنىن ايتىپ ءوتتى.

– وپەراتور قىزمەتىن اۋداندارداعى نەسيەلىك سەرىكتەستىكتەرى اتقارا المايدى. زاڭدا بۇل جوبا بويىنشا قارجى تاراتاتىن ۇيىمداردىڭ 50 پايىز ۇلەسى مەملەكەت يەلىگىندە بولۋ تيىستىگى كورسەتىلگەن. كووپەراتيۆتىڭ ءار مۇشەسىنە – 8,6 ملن تەڭگە, ال جالپى كووپەراتيۆكە 27,6 ملن تەڭگەگە دەيىن نەسيە بەرىلەدى. كەپىلگە م ۇلىك سۇرالادى, ەگەر شارۋانىڭ وزىندە جىل­جىمايتىن م ۇلىك بولماسا, تۋىسى­نىڭ, كورشى-قولاڭدارىنىڭ مۇلكىن ۇسى­نۋعا تولىق قۇقىلى. بۇل جەردە قارا­جات بەلگىلى ءبىر اۋىلدىق اۋماقتى دامى­تۋعا بەرىلىپ وتىرعانى نازارعا الىنا­دى. كووپەراتيۆتەر تۋرالى زاڭنا­ماعا سايكەس, اۋىلدىق جەرلەردە شارۋا­شى­لىق كووپەراتيۆىن قۇرۋ ءۇشىن كەمىن­دە 3 جەكە تۇلعا بولسا جەتكىلىكتى. سوندىق­تان بۇل تالاپ قيىندىق تۋدىرمايدى دەپ ويلايمىن, – دەيدى باسقارما وكىلى.

قازىرگى كۇنى ەرتىس-بايان وڭىرىندە جالپى سانى 107 كووپەراتيۆ بار. ولاردىڭ كوبى تەرەڭكول, باياناۋىل, پاۆلودار اۋداندارىندا ورنالاسقان. 1,5 ملرد تەڭگە نەسيە سوماسى شامامەن 300 جوبانى قارجىلاندىرۋعا جەتەدى دەپ كۇتىلۋدە. وبلىستاعى 352 اۋىلدىق ەلدى مەكەندە شامامەن 270 مىڭ ادام تۇراتىنىن ەسكەرسەك, بۇل قاراجات ازدىق ەتەتىنى شىن. سەبەبى اۋىلدىق جەرلەردە پايدالى نەسيە­نى الۋعا نيەتتەنىپ وتىرعان اعا­يىن­دار وتە كوپ. ال ەلىمىزدەگى كەز كەلگەن كوممەرتسيالىق بانك اۋىل تۇرعىن­دارىنا مۇنداي شارتتارمەن نەسيە ۇسىنا المايتىنى بەسەنەدەن بەلگىلى.

جەرگىلىكتى اكىمدىكتەر بۇگىندە ءوز اۋماقتارىندا تۇراتىن حالىققا جوبا­نىڭ ءجون-جوسىعىن ءتۇسىندىرىپ, ىنتالى ازاماتتارعا باعىت بەرىپ جاتىر. ماسەلەن, ۋسپەن اۋدانىنىڭ اكىمى نۇربولات ماقاشەۆ وزگە ارىپتەس­تەرى سەكىلدى اۋىلداردى ارالاپ, تۇرعىن­دارعا نەسيە جايىندا اقپارات بەرىپ جاتقانىن جەتكىزدى.

– اۋدان بويىنشا 279 شارۋا­شى­­لىق, 11 الەۋمەتتىك-كاسىپكەرلىك كور­پو­راتسيا, 12 ءسۇت, 8 ەت جينايتىن پۋنكت بار. قازىرگى كۇنى الەۋەتتى شارۋا­شىلىقتاردىڭ ءتىزىمى جاسالىپ, جەرگىلىكتى حالىقتان جينالاتىن اۋىل شارۋاشىلىق ونىمدەرىن كوبەيتۋگە باسىمدىق بەرىلىپ وتىر. شالعاي اۋىل­داردىڭ تۇرعىندارىن جۇمىسپەن قامتىپ, قوسالقى شارۋاشىلىقتاردىڭ دامۋى­نا, ازىق-ت ۇلىك ءوندىرىسىن ارتتى­رۋعا جاعداي تۋدىراتىن جوبانى كوپ­شى­لىك اسىعا كۇتىپ وتىر, – دەيدى اكىم.

اتاپ وتەرلىگى, تۇرعىندارعا مال باسىن كوبەيتۋ ءۇشىن بەرىلەتىن قارا­جاتقا مىندەتتى تۇردە اسىل ت ۇلىك الۋ مىندەتتەلمەيدى. ءارى ولار العاشقى 2 جىلدا نەسيەنى تولەۋدەن بوساتىلادى, ياعني دەمالىس بەرىلەدى.

پاۆلودار وبلىسى