استاناداعى ازيا چەمپيوناتى

جارىستىڭ العاشقى كۇنىندە «Qazaqstan» سپورت كەشەنىنەن جينالعان جانكۇيەرلەر ەرلەر اراسىنداعى يادرو لاقتىرۋ, ءۇش قارعىپ سەكىرۋ, ايەلدەردىڭ 60 مەترگە, 3 مىڭ مەترگە جانە بەسسايىس جارىسىنداعى ونەرلەرىن تاماشالادى. ءتۋرنيردىڭ كەشكى سەسسياسىنداعى فينالدىق سايىستاردا قازاقستان قۇراماسىنىڭ قور­جى­نىنا ءبىرىنشى بولىپ التىن جۇلدەنى ايەل­دەر اراسىندا 3 مىڭ مەترگە جۇگىرۋدە كارو­لين چەپكوەچ كيپكيرۋي سالدى. اتالعان قاشىق­تىقتى ول 9:01.98 سەكۋند ىشىندە جۇگىرىپ ءوتىپ, كورەرمەندەردىڭ ىستىق ىقىلاسىنا بو­لەن­دى. وكىنىشكە قاراي, 2022 جىلعى الەم چەم­پيو­نى نورا دجەرۋتو ۇزدىكتەر قاتارىنان كورىنە المادى. ەكىنشى ورىندى 9:03.43 ۋاقىت كورسەت­كىشىمەن قىتايلىق ۋگا حە يەلەنسە, قولا جۇلدە 2018 جىلعى جاسوسپىرىمدەر اراسىنداعى ازيا چەمپيونى جاپونيالىق يۋما ياماموتوعا (9:09.29) بۇيىردى.

60 مەترگە جۇگىرۋ سايىسىندا قازاقستان جانكۇيەرلەرى ولگا سافرونوۆادان التىن جۇلدە كۇتكەن ەدى. ويتكەنى قاراعاندى قالا­سىنىڭ تۋماسى ءدال قازىرگى ۋاقىتتا قازاق­ستاننىڭ عانا ەمەس, الەمنىڭ كوشباسشى سپورت­شىسى سانالادى. بىراق جەرلەسىمىزدىڭ فينالدىق سايىستا بابى كەلىسپەدى. 2017 جىلعى ازيا چەمپيونى, 2014 جىلعى ازيا ويىندارىنىڭ جەڭىمپازى ولگا سافرونوۆا استاناداعى سارى قۇرلىق دوداسىندا ەكىنشى ناتيجە كورسەتتى – 7.32. اسا تارتىستى وتكەن جارىستىڭ باس جۇلدەسىن يراندىق فارزانە فاسيحي 7.28 سەكۋند ناتيجەسىمەن جەڭىپ السا, يندونەزيالىق ۆالەنتين ۆانەزا 3-ورىننان (7.37 سەكۋند) كورىندى.

بەسسايىستا وزبەكستاندىق ەكاتەرينا ۆورونينانىڭ (862 ۇپاي) باعى جانسا, ەرلەر اراسىنداعى يادرو لاقتىرۋدا ۇندىستاندىق تاجەندەرپال سايد تۋر (19.49 مەتر) ۇزدىك شىقتى. ەرلەر اراسىندا 400 مەترگە جۇگىرۋدە قازاقستان قۇراماسىنىڭ كوشباسشىسى ميحايل ليتۆين قاتار سپورتشىسىن العا جىبەرىپ, كۇمىستى قاناعات تۇتتى. جەرلەسىمىز ىرىكتەۋ سايى­سىندا 46.97 سەكۋند ناتيجە كورسەتسە, فينالدا جىلدامدىعىن ارتتىرعانىمەن (46.39) التىن جۇلدە بۇيىرمادى. بۇل سىندا اممار يسمايل ياحيا (46.25) ءبىرىنشى, تيانرۋي فان (47.30) ءۇشىنشى ورىننان كورىندى.

ەكىنشى جارىس كۇنىندە ايەلدەردىڭ يادرو لاقتىرۋ, ءۇش قارعىپ سەكىرۋ, سىرىقپەن سەكىرۋ جانە ەرلەر مەن ايەلدەردىڭ 60, 800 (تەك ايەلدەر) جانە 1500 مەترگە جۇگىرۋ جارىستارىن تاماشالادىق. الدىمەن جارىس جولىنا يادرو لاقتىرۋشى ايەلدەر شىقتى. وكىنىشكە قاراي, بۇل جارىستا قازاقستان سپورتشىلارى جۇلدەلى ورىنداردان كورىنە المادى. العاشقى ەكى ورىندى كورەيالىق سپورتشىلار ءوزارا ءبولىسىپ السا (چون يۋ سون (16,98 مەتر), لي سۋ چجون (16.45), قولا جۇلدە يسلام ىنتى­ماقتاستىق ويىندارىنىڭ جەڭىمپازى يندو­نەزيالىق ەكي فەبري ەكاۆاتيگە بۇيىردى.

سىرىقپەن سەكىرۋ سايىسىندا دا جەرلەس­تەرىمىز ءوز جانكۇيەرلەرىن قۋانتا المادى. بۇل سىندا مايۋ ناسۋ (جاپونيا, 4.00 مەتر), پاۆيترا ۆەنگاتەش  ء(ۇندىستان, 4.00) جانە روزي مينا پولرادج  ء(ۇندىستان, 3,90) سپورتشىلارى جەڭىمپاز اتاندى. ال ۇزىندىققا سەكىرۋدە قازاقستان سپورتشىلارى الدىنا جان سالمادى. ماسەلەن, بىلتىرعى جابىق كەشەندەگى الەم چەمپيوناتىنىڭ قولا, 2019 جىلعى ازيا بىرىنشىلىگىنىڭ كۇمىس جۇلدەگەرى نادەجدا دۋبوۆيتسكايا التىننان القا تاقسا, ەكىنشى جانە ءۇشىنشى ورىنداردى دا جەرلەستەرىمىز جەڭىپ الدى. كريستينا وۆچيننيكوۆا – ەكىنشى, ەليزاۆەتا ماتۆەەۆا ءۇشىنشى ورىندى قاناعات تۇتتى. ن.دۋبوۆيتسكايا فينالدا 1.89 م بيىكتىكتى باعىندىردى. ءبىر قىزىعى, مۇنداي جايت سارى قۇرلىق دوداسىندا العاش رەت تىركەلگەنىن ايتا كەتكەن ءجون.

1500 مەترگە ايەلدەر اراسىنداعى جۇگىرۋدە 18 جاستاعى وتانداسىمىز اقبايان نۇرمامەت ەرەكشە ونەرىمەن كوزگە ءتۇستى. ازيانىڭ ۇزدىك­تەرىمەن يىق تىرەستىرىپ ونەر كورسەتكەن جەرلەسىمىز قولا جۇلدە جەڭىپ الدى. ازيا ويىندارىنىڭ قولا جۇلدەگەرى 26 جاستاعى ۆەت­نامدىق نگۋەن تحي وان مارە سىزىعىن ءبىرىنشى كەسسە, كۇمىس جۇلدە جاپونيالىق يۋمە گوتونىڭ ەنشىسىندە كەتتى. ەرلەر سايىسىندا جاپونيالىق كادزۋتو يزاۆاعا تەڭ كەلەر ەشكىم تابىلمادى.

ايەلدەر اراسىنداعى 400 مەتردە جابىق كەشەندەگى 2018 جىلعى ازيا بىرىنشىلىگىندە كۇمىسپەن كۇپتەلگەن جەرلەسىمىز ەلينا ميحينا استانادا التىنعا قول جەتكىزدى. ول بۇل قا­شىق­تىقتى 54.07 سەكۋندتا باعىندىردى. كەيىن­گى ورىندارعا تي حۋەن نگۋەن (ۆەتنام, 54,68), سري مايا ساري (يندونەزيا, 54,88) جايعاستى.

جارىستىڭ سوڭعى كۇنىندەگى ەستافەتادا (4ح400 م) قازاقستاننىڭ قوس قۇراماسى دا جەڭىمپاز اتاندى. قۇرامىندا ادەلينا زەمس, الەكساندرا زاليۋبوۆسكايا, كريستينا كوندراشەۆا مەن ەلينا ميحينا بار ايەلدەر قۇرامى مەن اندرەي سوكولوۆ, ەلنور مۋحيتدينوۆ, ۆياچەسلاۆ زەمس پەن ميحايل ليتۆيننەن جاساقتالعان ەرلەر قۇراماسى التىن الدى. ەرلەر قۇراماسىنىڭ 3:09.15 سەكۋند ناتيجەسى جاڭا ەل رەكوردى ەكەنىن ايتا كەتەيىك. سونداي-اق شەدراك كيمۋتاي كوەچ 3000 مەترگە جۇگىرۋدە 7:59.84 ناتيجەسىمەن ەل قور­جىنىنا قولا جۇلدە سالدى. ال كۇننىڭ نۇكتەسىن داۆيد ەفرەموۆ جاقسى قويدى. ول 60 مەترگە كەدەرگىلەر ارقىلى جۇگىرۋدە جابىق كە­شەندەگى ازيا چەمپيوناتىنىڭ جەڭىس تۇعى­رى­نان كورىندى. ۋاقىت كورسەتكىشى – 7.65 سەكۋند.

وسىلايشا, ءۇش كۇنگە جالعاسقان جەڭىل اتلەتيكادان جابىق كەشەندەگى ح ازيا چەمپيوناتى ءوز مارەسىنە جەتتى. جالپىكوماندالىق ەسەپتە 15 مەدال (6 التىن, 5 كۇمىس پەن 4 قولا) جەڭىپ العان جاپونيا قۇراماسى باس جۇلدەنى جە­ڭىپ  سالسا, قازاقستان قۇراماسى 6 التىن, 3 كۇمىس پەن 3 قولامەن ەكىنشى ورىننان كورىندى. ال قاتار اتلەتتەرى 8 جۇلدەمەن (2 التىن, 4 كۇمىس, 2 قولا) ۇزدىك ۇشتىكتى تۇيىندەدى.