ونىڭ ىشىندە 6 التىن, 20 كۇمىس جانە 40 قولا مەدال بار. جەڭىمپازدار ەلىمىزدىڭ جەتەكشى جوعارى وقۋ ورىندارىنىڭ اتاۋلى سىيلىقتارى مەن ءبىلىم گرانتتارىن يەلەندى, دەپ حابارلايدى Egemen.kz قازاقستان رەسپۋبليكاسىنىڭ وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.
26 ەلدىڭ 281 كومانداسى 10 كۇن بويى ماتەماتيكا, فيزيكا جانە ينفورماتيكا ءپانى بويىنشا سىنعا ءتۇستى. قازاقستاننان ساپىنان 250 وقۋشىسى بار 35 كوماندا باق سىنادى. ءداستۇرلى حالىقارالىق جاۋتىكوۆ وليمپياداسىنا قازاقستان, ازەربايجان, وزبەكستان, رەسەي, گرۋزيا, رۋمىنيا, سەربيا, ۋكراينا, ءۇندىستان, تۇركيا, ۇلىبريتانيا جانە باسقا دا ەلدەردىڭ فيزيكا-ماتەماتيكا باعىتىنداعى مامانداندىرىلعان مەكتەپتەرىنەن جالپى 1200-دەن اسا وقۋشى قاتىستى.
«حالىقارالىق جاۋتىكوۆ وليمپياداسى وقۋشىلار اراسىندا تانىمال بولا ءتۇستى. وليمپيادا كەزىندە قاتىسۋشىلار كۇردەلى ماتەماتيكالىق ەسەپتەردى شەشەدى. مۇنداي زياتكەرلىك كونكۋرستار ولاردىڭ ءبىلىمىن تەرەڭدەتىپ قانا قويماي, بالالاردى كوماندادا جۇمىس ىستەۋگە, دوستىق قارىم-قاتىناس ورناتۋعا ۇيرەتەدى», دەپ اتاپ ءوتتى رفمم باسقارما توراعاسى رۋسلان قاليەۆ.
وليمپيادا قورىتىندىسى بويىنشا قازاقستاندىق وقۋشىلار 66 مەدال جەڭىپ الدى. ونىڭ 6-ۋى - التىن, 20-سى - كۇمىس جانە 40 - قولا. جەڭىمپازدارعا سىيلىقتار مەن ءبىلىم بەرۋ گرانتتارى قاراستىرىلعان.
ايتا كەتەيىك, حالىقارالىق جاۋتىكوۆ وليمپياداسى قر وقۋ-اعارتۋ مينيسترلىگىنىڭ قولداۋىمەن رەسپۋبليكالىق فيزيكا-ماتەماتيكا مەكتەبىنىڭ بازاسىندا ءوتتى.