ەلوردادا اقيىق اقىن مۇقاعالي ماقاتاەۆتىڭ تۋعان كۇنىنە وراي «ەسىڭە مەنى العايسىڭ» اتتى مۋزىكالىق-پوەزيالىق كەشى ءوتتى. ءماندى دە تاعىلىمدى شارانى ازىرلەپ, ۇسىنعان – ەركەعالي راحماديەۆ اتىنداعى مەملەكەتتىك اكادەميالىق فيلارمونيا.
ادەبيەتىمىزگە وراسان زور ەڭبەك سىڭىرگەن مۇقاعاليدىڭ ولەڭدەرىنە كوپتەگەن اسەم ءان جازىلعانىن بىلەمىز. اسىرەسە ءشامشىنىڭ, نۇرعيسا تىلەنديەۆتىڭ شىعارمالارى اقىننىڭ پوەزياسىمەن ءساتتى ورىلگەن اڭىز-اندەرگە اينالدى.
مۋزىكالىق-پوەزيالىق كەشتە مۇقاعالي ماقاتاەۆتىڭ سوزىنە جازىلعان ء«سابي بولعىم كەلەدى», «جىلاپ قايتتىم ءومىردىڭ بازارىنان», ء«شامشى قايدا؟» «مەن دەپ ويلا», «ورالىڭدار» جانە باسقا دا اندەر ورىندالدى.
اۋەزدى كەشتە تانىمال ونەر مايتالماندارى – قازاقستاننىڭ ەڭبەك سىڭىرگەن قايراتكەرلەرى ارايلىم راحىم, التىناي جوراباەۆا, سۆەتلانا ايتباەۆا, «دارىن» مەملەكەتتىك جاستار سىيلىعىنىڭ لاۋرەاتى نۇربول بالاپانوۆ, حالىقارالىق, رەسپۋبليكالىق بايقاۋلار مەن فەستيۆالدەردىڭ لاۋرەاتتارى ساۋلەجان تاعزيا, زارينا وماروۆا, التىنشاش مۇقاتاەۆا, اقبوتا قۇسنادين, اكىمحان ماجەنوۆ, مۇراتبەك حايرولدا, ايدىن جۇماباي, ايگەرىم وراز, وتان پاراسات ونەر كورسەتتى. سونىمەن قاتار فيلارمونيا ساحناسىندا كورەرمەندەر «Alem» زاماناۋي حورەوگرافيا بالەتى (كوركەمدىك جەتەكشىسى – باقىت ءتاجينوۆ) مەن «اينالايىن» بالالار حورىن تاماشالادى.