جاسوسپىرىمدەر كۇمىس جۇلدە ەنشىلەدى

جاسوسپىرىمدەر اراسىنداعى ءتۋرنيردىڭ فينالىندا «ا» جانە «ۆ» توبىندا ۇزدىك شىققان قازاقستان مەن رەسەي جاسوسپىرىمدەر قۇرامالارى كەزدەستى. ويىننىڭ العاشقى بولىگى تەڭ ەسەپپەن اياقتالعانىمەن (1:1), ەكىنشى تايمدا رەسەيلىكتەردىڭ جولى بولدى – 3:1. باس جۇلدە ءۇشىن وتكەن ماتچتا قازاقستان قۇراماسى ساپىنان جارتىلاي قورعاۋشى ءىلياس ءابىل ءبىرىنشى تايمنىڭ 9-مينۋتىندا مەرگەندىگىمەن كوزگە ءتۇستى. بۇل – ونىڭ وسى تۋرنيردەگى ءۇشىنشى گولى.

جارىس قورىتىندىسى بويىنشا قازاقستان قۇراماسى ءتۋرنيردىڭ كۇمىس جۇلدەسىن يەلەنسە, رەسەي فۋتبولشىلارى التىننان القا تاقتى. ال ءۇشىنشى ورىن ءۇشىن وتكەن ماتچتا رەسەيدىڭ 16 جاسقا دەيىنگى قۇراماسىن 3:0 ەسەبىمەن جەڭگەن تاجىكستان (U-17) فۋتبولشىلارى قولا جۇلدەگەر اتاندى. تۋرنير قورىتىندىسى بو­يىن­شا قازاقستان قۇراماسىنىڭ قاقپاشىسى ابىلقايىر الياكبار «دامۋ كۋبوگىنىڭ» ۇزدىك قاقپاشىسى دەپ تانىلدى.