قازاقستاننىڭ ءبىرىنشى, الەمنىڭ 10-راكەتكاسى ەلەنا رىباكينا بىرىككەن اراب امىرلىكتەرىنىڭ ابۋ-دابي قالاسىندا وتكەن «WTA 500» ءتۋرنيرىنىڭ شيرەك فينالىندا جەڭىلىپ قالدى.
وسى جارىستىڭ 3-راكەتكاسى بولىپ تىركەلگەن جەرلەسىمىز ابۋ-دابيدەگى دودانى ەكىنشى اينالىمنان باستادى. بۇل كەزەڭدە ەلەنا كەزىندە دۇنيەجۇزىلىك رەيتينگتە كوش باستاعان, قازىرگى ۋاقىتتا 20-ورىندا تۇرعان چەحيالىق كارولينا پليشكوۆامەن شەبەرلىك بايقاستى. ەكى سەتكە جالعاسقان ماتچتا رىباكينا 6:4, 6:2 ەسەبىمەن ەش قيىندىقسىز جەڭىسكە جەتتى.
ەلەنا ءتۋرنيردىڭ جارتىلاي فينالىنا شىعۋ ءۇشىن الەمنىڭ 14-راكەتكاسى برازيليالىق بەاتريس حادداد مايامەن شەبەرلىك بايقاسىپ, وكىنىشكە قاراي, ءۇش سەتكە جالعاسقان ماچتا قارسىلاسىنا جول بەردى. ءبىرىنشى سەتتى رىباكينا 6:3 ەسەبىمەن ءوز پايداسىنا جازعانىمەن, كەيىنگى ەكى سەتتە برازيليالىق تەننيسشىنىڭ مەرەيى ۇستەم بولدى – 6:3, 6:2.
بەاتريس حادداد مايا ءتۋرنيردىڭ ەكىنشى اينالىمىندا تاعى ءبىر قازاقستان تەننيسشىسى يۋليا پۋتينتسەۆامەن كەزدەسىپ, ونى ءۇش سەتتىڭ قورىتىندىسى بويىنشا جەڭىپ كەتكەن بولاتىن – 6:4, 6:7 (5:7), 7:6 (7:4).