11 اقپان كۇنى جامبىل جانە تۇركىستان وبلىستارىندا بىرنەشە باعىتتاعى جولدار جابىلدى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
تۇركىستان وبلىسىنداعى «قورعاس – الماتى – تاراز – شىمكەنت – تاشكەنت» تاس جولىنىڭ جابىق ۋچاسكەسىنىڭ الدىندا 120 جەڭىل, 100 جۇك كولىگى, 600-گە جۋىق جولاۋشى جانە 15 جولاۋشىلار اۆتوبۋسى جينالىپ قالدى.
تۇلكىباس اۋدانىندا ىستىق تاماقپەن قامتاماسىز ەتىلگەن 3 جىلىتۋ پۋنكتى اشىلدى. ادامدار قاجەت بولعان جاعدايدا جىلىتۋ پۋنكتىنە جەتكىزىلەدى. جۇمىسقا تج, پوليتسيا دەپارتامەنتتەرىنىڭ, جەرگىلىكتى اتقارۋشى ورگانداردىڭ, جەدەل مەديتسينالىق جاردەم بريگاداسىنىڭ كۇشتەرى مەن قۇرالدارى جۇمىلدىرىلدى.
سونداي-اق جامبىل وبلىسىنىڭ جامبىل اۋدانىندا «الماتى-تەرمەز-تاشكەنت» تاس جولىنىڭ جابىق ۋچاسكەسىنىڭ الدىندا (534-593 كم) 150 جەڭىل, 250 جۇك كولىگى جانە 30 جولاۋشىلار اۆتوبۋسى جينالىپ قالعان.
مۇندا دا ىستىق تاماقپەن قامتاماسىز ەتىلگەن 3 جىلىتۋ پۋنكتى اشىلدى. امو بريگاداسى 15 ادامعا (قىسىم, باس اۋرۋى, سترەسس) مەديتسينالىق كومەك كورسەتتى.