2022 جىلعى فۋتبول ماۋسىمىنىڭ قورىتىندىسى بويىنشا جىلدىڭ ەڭ ۇزدىك قاقپاشىسى اتاعىنا ۇمىتكەر ءۇش فۋتبولشىنىڭ ەسىمى بەلگىلى بولدى.
حالىقارالىق فۋتبول فەدەراتسياسى (فيفا) 2022 جىلدىڭ ەڭ ۇزدىك قاقپاشىسىنا تابىستايتىن The Best سىيلىعىنا مىنا فۋتبولشىلار ۇمىتكەر: تيبو كۋرتۋا («رەال», بەلگيا قۇراماسى), ياسسين بونو («سەۆيليا», ماروككو قۇراماسى) جانە ەميليانو مارتينەس («استون ۆيللا», ارگەنتينا قۇراماسى). كەڭەيتىلگەن تىزىمنەن اليسسون («ليۆەرپۋل», برازيليا) جانە ەدەرسون («مانچەستەر سيتي», برازيليا قۇراماسى) شىعىپ قالدى.
جىلدىڭ ەڭ ۇزدىك قاقپاشىسىنىڭ ەسىمى 27 اقپاندا انىقتالادى. بىلتىر بۇل سىيلىق لوندوننىڭ «چەلسي» كلۋبىنىڭ جانە سەنەگال ۇلتتىق قۇراماسىنىڭ قاقپاشىسى ەدۋار مەنديگە بۇيىرعان ەدى.