استانا. 18 ماۋسىم. كەشە تۇندە برازيليانىڭ بەلۋ-وريزونتي قالاسىندا چەمپيوناتتىڭ ن توبىندا بەلگيا – الجير قۇرامالارى كەزدەسىپ, ناتيجەسىندە بۇلاردىڭ الدىڭعىلارى 2:1 ەسەبىمەن جەڭىسكە جەتتى. بۇل تۋرالى egemen.kz حابارلادى.
بەلگيا – الجير 2:1 (0:1)
17 ماۋسىم. بەلۋ-وريزونتي. ستاديون «مينەيران» ستاديونى. 56 800 كورەرمەن. تورەشى - ماركو رودريگەس (مەكسيكا).
بەلگيا: تيبو كۋرتۋا, توبي الدۆەرۆەيرەلد, دانيەل ۆان بيۋيتەن, ۆەنسان كومپاني, يان ۆەرتونگەن, اكسەل ۆيتسەل, مۋسسا دەمبەلە (مارۋان فەللايني, 65), ناسەر شادلي (دريس مەرتەنس, 46), كەۆين دە بريۋينە, ەدەن ازار, رومالۋ لۋكاكۋ (ديۆوك وريگي, 58).
الجير: رايس مبولي, مەحدي موستەفا, مادجيد بۋگەررا, رافيك الليش, فاۋزي گۋليام, سافير تايدەر, كارل مەدجاني (نابيل گيلاس, 84), نابيل بەنتالەب, سوفيان فەگۋلي, رياد ماحرەز (مەحدي لاسەن, 71), ەل-ارابي سۋداني (يسلام سليماني, 66).
گولدار: سوفيان فەگۋلي (25-پەنالتي), مارۋان فەللايني (70), دريس مەرتەنس (80).
ەسكەرتۋلەر: يان ۆەرتونگەن (24) – نابيل بەنتالەب (34).
ءيا, وسى ماتچپەن بىرگە ءتۋرنيردىڭ ەڭ سوڭعى ن توبىنداعى ويىندار دا سورەدەن شىقتى. ونى بەلگيا جانە الجير باستاپ بەردى. بۇلاردان كەيىن الاڭعا وسى كۆارتتەگى رەسەي – وڭتۇستىك كورەيا كوماندالارى شىقتى. ال الدىڭعى كەزدەسۋ رەسەيلىكتەردىڭ باس جاتتىقتىرۋشىسى فابيو كاپەللو ءۇشىن دە وي تولعاتار بىراز ماتەريال بەرىپ كەتكەن سياقتى. ويىننىڭ ەكى تايمى ەكى ءتۇرلى كورىنىس كورسەتتى. ولاردىڭ بىرىنشىسىندە «قىزىل پەرىلەر» وزدەرىنە تاڭىلعان تورتتىك كوش ليدەرى دەگەن مارتەبەسىن اقتاي قويعان جوق. بەلگيالىقتار ءبىرىنشى 45 مينۋتتا اكسەل ۆيتسەلدىڭ الىستان ءبىر سوققى جاساۋى مەن ناسەر ءشادليدىڭ قاقپا الدىنداعى قولايلى ساتىنەن وزگە ەستە قالاتىن ەشتەڭە جاساي المادى. بۇعان كەرىسىنشە, «ەكىنشى نومىرمەن» ويناعان الجير ءاربىر ىڭعايلى مەزەتتى ءتيىمدى پايدالانىپ, قارسى شابۋىلعا ءجيى شىعىپ تۇردى. ونىڭ وسىنداي ءاربىر جورىعى دەرلىك قاۋىپتى قيمىلدارعا ۇلاسىپ جاتتى. سولاردىڭ 25-مينۋتتا ورىن العان ءماۋرىتى ويىنداعى العاشقى گولعا الىپ باردى. افريكالىقتار شابۋىلشىسى سوفيان فەگۋلي قارسى قاقپا الاڭىنا ارىنداپ كىرگەن كەزىندە وماقاسا قۇلاتىلدى. قاتالدىعىمەن اتى تانىلعان مەكسيكالىق تورەشى ماركو رودريگەس ويلانباستان 11 مەترلىك نۇكتەنى نۇسقادى. ال الجيرلىكتى قولىنان تارتىپ قۇلاتقان يان ۆەرتونگەن «سارى قاعازبەن» جازالاندى. پەنالتيدى زارداپ شەگۋشىنىڭ ءوزى ءدال ۇرىپ ءتۇسىردى. ەسەپ – 1:0. الايدا, وسى گولدان كەيىن «ءشولدىڭ تۇلكىلەرى» بەلسەندى ويىندارىن توقتاتتى.
مارك ۆيلموتستىڭ جىگىتتەرى ەكىنشى تايمنىڭ باسىندا ويىننىڭ سحەماسى مەن تاكتيكاسىن كۇرت وزگەرتتى. سونىڭ ناتيجەسىندە الاڭدا مۇلدە جاڭا كوماندا ويناپ جۇرگەندەي اسەر قالدىردى. الدىڭعى شەپتەگى دريس مەرتەنس, ديۆوك وريگي جانە مارۋان فەللايني قۇراماعا ءبىرىنشى تايمدا كورىنبەگەن ويىننىڭ ۇلگىسىن تانىتتى. ولاردىڭ بىرتە-بىرتە ۇلعايا تۇسكەن قىسىمى الجير قۇراماسى قورعانىس شەبىنىڭ تۇتاستىعىن سەتىنەتە بەردى. اقىرىندا كەۆين دە بريۋينەنىڭ اۋەلەتىپ بەرگەن دوبىن ادەمى پايدالانا بىلگەن فەللايني باسىمەن سوققى جاساپ, ەسەپتى تەڭەستىرۋگە قول جەتكىزدى. ارادا 10 مينۋت وتكەندە بەلگيالىقتار العا دا شىقتى. بۇل جولى ەدەن ازاردىڭ پاسىنان گول سالعان مەرتەنس ەرلەدى. وسىلايشا ۇلكەن تۋرنيرلەردە تاجىريبە جيناپ ۇلگەرمەگەن بەلگيانىڭ قازىرگى جاس قۇرامى ءبىر ماتچتىڭ اياسىندا ەكى ت ءتۇرلى احۋالدى باستان كەشىپ, ونىڭ اقىرىن ءوزىنىڭ پايداسىنا شەشە ءبىلدى.
دامير قوجامقۇل.
دەرەككوز: چەمپيونات.رۋ.
فوتو: Sportbox.ru.