ەستونيا مەملەكەتىنىڭ ەكونوميكا جانە كوممۋنيكاتسيالار مينيسترلىگىنىڭ ۆيتسە-كانتسلەرى كاۋپو لياانەراندتىڭ ەلىمىزگە رەسمي ءىسساپارى اياسىندا قازاقستان-ەستونيا جۇمىس توبىنىڭ 2-ءشى وتىرىسى وتكىزىلدى, دەپ حابارلايدى Egemen.kz.
جيىندا ەكى ەل اراسىنداعى كولىك جانە كولىك-ءترانزيتىنىڭ الەۋەتىن ارتتىرۋ, سونداي-اق اقپاراتتىق تەحنولوگيالار سالاسىنداعى ارىپتەستىك بايلانىستى نىعايتۋدىڭ جولدارى تالقىلاندى.
رەسمي وكىلدەرى قازاقستان مەن ەستونيانىڭ كولىك-ءترانزيتى باعىتىنداعى ىنتىماعىن ارتتىرۋدا تەمىرجول تاسىمالىنىڭ ماڭىزى زور ەكەنىن اتاپ ءوتتى.
بۇل رەتتە بالتىق جاعالاۋىنان كەلگەن دەلەگاتتار ەستونيانىڭ تەڭىز اكادەمياسى قازاقستان ستۋدەنتتەرىن وقىتۋعا دايىن ەكەندەرىن جەتكىزدى. بۇدان بولەك اتالعان كەزدەسۋدە ەكى ەلدىڭ كولىك جۇيەلەرى مەن جەلىلەرىنە, سونداي-اق وسى سالانى رەتتەۋگە بايلانىستى تىڭ اقپاراتتار ايتىلدى.