اۋىلعا ءال بەرەتىن نەسيە

بۇل قاناتقاقتى جوبا العاش رەت 2019 جىلى جامبىل وبلىسىندا باستالعانى ءمالىم. ەندى قاراعاندىدا جالعاسىن تاپپاق. ويتكەنى مەملەكەت باسشىسى ۇكىمەتتىڭ كەڭەيتىلگەن وتىرىسىندا باع­دار­لامانى بۇكىل قازاقستاندا ىسكە اسىرۋدى تاپسىرعان ەدى. پرەزيدەنت تاپسىرماسىنا سايكەس, 2023 جىلى جوبانى ىسكە اسىرۋ ءۇشىن رەسپۋبليكالىق بيۋدجەتتەن 52,4 ملرد تەڭگە كوزدەلگەن. ال قاراعاندى وبلىسىنا 2023-2025 جىلدارعا 4,6 ملرد تەڭگە بولىنەدى دەگەن جوسپار بار.

جوبا ارقىلى اۋىلداعى بۇقاراعا كاسىبىن اشۋعا, دامىتۋعا جاعداي جاسالادى. ءدال قازىرگى ۋاقىتتا اۋىلداعى تۇرعىندار – وبلىستا 213 مىڭ شاماسىندا. بۇل – پايىزعا شاققاندا وبلىس تۇرعىندارىنىڭ 18,7 پايىزى. ال دەرەكتەر اۋىلدىق جەردە بيزنەسمەندەردىڭ سانى 8,5 مىڭعا جۋىقتاعانىن كورسەتەدى.

قاراعاندى وبلىسى اۋىل شارۋاشى­لىعى باسقارماسىنىڭ باسشىسى اسقار سا­ناۋ­باروۆتىڭ ايتۋىنشا, قازىرگى ۋا­قىتتا وبلىستىڭ بارلىق اۋدانىندا جۇ­مىس توبى قۇرىلعان. جۇمىس توبىنا حا­لىققا نەسيە مەن ونىڭ شارتتارىن ءتۇسىندىرۋ جۇكتەلگەن.

– اۋىلدىڭ الەۋمەتتىك-ەكونوميكالىق احۋالىن انىقتاۋ ءۇشىن وبلىستىڭ بار­لىق اۋىلدىق وكرۋگىنە سكرينينگ جۇر­گىزىلدى. سونداي-اق اۋدانداردا اۋىل شا­رۋاشىلىعى كووپەراتيۆتەرىنە بەرۋ ءۇشىن جەر ۋچاسكەلەرىن رەزەرۆتەۋ جۇ­مىست­ا­رىن جۇرگىزىپ جاتىرمىز. بولجامدى كە­پىلدەردى, الەۋەتتى قارىز الۋشىلاردى تالداۋ جۇمىستارى دا نازاردا, – دەيدى باسقارما باسشىسى اسقار ساناۋباروۆ.

ەكى جىلعا بولىنەتىن 4,6 ملرد تەڭگەنىڭ بيىلعا 2,4 ملرد تەڭگەسى قاراستىرىلعان. وسى ماقساتتى قارجى ارقىلى بيىل 500-گە جۋىق شاعىن نەسيە بەرۋ – جوسپاردا. بۇل رەتتە ستارتاپتاردىڭ ۇلەسى بارلىق بەرىلگەن نەسيەنىڭ كەمىندە 30%-ىن قۇ­راۋعا ءتيىس ەكەن.

ايماقتىڭ ءوز ەرەكشەلىگىن ەسكەرە وتىرىپ, دامىتۋ باعىتتارى انىقتالعان. وسى ورايدا اۋىل تۇرعىندارى مال, وسىم­دىك جانە اۋىل شارۋاشىلىعى ونىم­دەرىن قايتا وڭدەۋ ءۇشىن نەسيە الۋىنا مۇمكىندىك بار. سونىمەن قاتار باسقا دا باعىتتار دا ايقىندالارى داۋسىز. باس­قارما باسشىسىنىڭ ايتۋىنشا, ول جەكە دارا قاراستىرىلادى ەكەن.

بۇگىنگى تاڭدا ايماقتا قاناتقاقتى جوباعا قاتىساتىن اۋىلدىق وكرۋگتەر ءالى دە ناقتىلانىپ, سارالانىپ جاتىر. مۇنداعى باستى شارت – سالىق ورگان­دارىندا تىركەلۋ جانە كەپىلمەن قام­تاماسىز ەتۋ. نەسيەنى مەرزىمى ونىڭ سالاسىنا تىكەلەي بايلانىستى. ماسەلەن, مال شارۋاشىلىعىنداعى شاعىن نەسيە ۋاقىتى – 7 جىل. وزگە باعىتتارعا 5 جىل بەلگىلەنگەن. نەسيە كولەمى زاكىرلى اۋىل شارۋاشىلىعى كووپەراتسياسىن دامىتۋ ءۇشىن 2 500 ايلىق ەسەپتىك كورسەتكىش, بۇل بيىل – 8 625 000 تەڭگە جانە 8000 ايلىق ەسەپتىك كورسەتكىش, ياعني 27 600 000 تەڭگەگە دەيىن ەكەن.

نەگىزى بورىش پەن سىياقى وتەۋدە جەڭىلدىك كەزەڭدى اتاپ وتكەن ءجون. بۇل نەسيە مەرزىمى ۇزاقتىعىنىڭ ۇشتەن بىرى­نەن اسپايدى. باسقارما باسشى­سى­نىڭ مالىم­دەۋىنشە, قاراعاندى وبلى­سىندا نەسيە بەرۋ مامىر ايىندا باس­تالادى.