سەنات توراعاسى ماۋلەن اشىمباەۆ بيۋرو وتىرىسىن وتكىزدى. وندا 2023 جىلعى 9 اقپاندا وتەتىن پالاتا وتىرىسىنىڭ كۇن ءتارتىبى بەكىتىلدى, دەپ حابارلايدى Egemen.kz.
وتىرىستا بيۋرو مۇشەلەرى 17 اقپاندا پرەزيدەنتتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىن ىسكە اسىرۋ اياسىندا ء«تيىمدى وڭىرلىك ساياسات – ەلىمىزدىڭ ورنىقتى الەۋمەتتىك-ەكونوميكالىق دامۋىنىڭ نەگىزى» تاقىرىبىندا پارلامەنتتىك تىڭداۋ وتكىزۋ تۋرالى قاۋلى قابىلدادى.
سەناتورلار الداعى وتىرىستا بىرقاتار زاڭدى قارايدى. سولاردىڭ ءبىرى - «كەدەندىك اكەلۋ باجدارىنىڭ (بالاما قولدانىلاتىن وزگە دە باجدار, سالىقتار مەن الىمدار) سومالارىن ەسەپكە جاتقىزۋ جانە ءبولۋ, ولاردى ەۋرازيالىق ەكونوميكالىق وداققا مۇشە مەملەكەتتەر بيۋدجەتتەرىنىڭ كىرىسىنە اۋدارۋ ءتارتىبىن ساقتاۋ ماسەلەلەرى بويىنشا بىرلەسكەن باقىلاۋ ءىس-شارالارىن وتكىزۋ تۋرالى كەلىسىمدى راتيفيكاتسيالاۋ تۋرالى» زاڭ. قۇجات ەاەو-عا مۇشە مەملەكەتتەردىڭ ۋاكىلەتتى ورگاندارىنىڭ ەۋرازيالىق ەكونوميكالىق وداقتا كەدەندىك اكەلۋ باجدارىنىڭ سومالارىن ەسەپكە الۋ جانە ءبولۋ ءتارتىبىنىڭ ساقتالۋىن, بيۋدجەت قارجىسىنىڭ زاڭدىلىعى مەن ۋاقتىلى قوزعالىسىن باقىلاۋدى قامتاماسىز ەتۋدى كوزدەيدى. ەاەو قىزمەتىنىڭ نەگىزگى رەتتەۋشى تەتىكتەرىنىڭ ءبىرى رەتىندە كەدەندىك اكەلۋ باجدارىنىڭ سومالارىن ەسەپكە الۋ جانە ءبولۋ ءتارتىبىن جەتىلدىرۋ – باستى مىندەتتەردىڭ قاتارىنا جاتادى.
«قازاقستان رەسپۋبليكاسى مەن فرانتسۋز رەسپۋبليكاسى اراسىنداعى قىلمىستىق ىستەر بويىنشا ءوزارا قۇقىقتىق كومەك تۋرالى شارتتى راتيفيكاتسيالاۋ تۋرالى» زاڭنىڭ نەگىزگى ماقساتى - قىلمىستىق قۇقىق بۇزۋشىلىقتارعا قاتىستى راسىمدەردە بارىنشا جانە ءوزارا قۇقىقتىق كومەك كورسەتۋ, ەكى ەلدىڭ قىلمىسقا قارسى كۇرەستەگى ىنتىماقتاستىعىنىڭ تيىمدىلىگىن ارتتىرۋ.
دەپۋتاتتار سونداي-اق «قازاقستان رەسپۋبليكاسى مەن وزبەكستان رەسپۋبليكاسى اراسىنداعى باس بوستاندىعىنان ايىرۋعا سوتتالعان ادامداردى جازاسىن ودان ءاpi وتەۋ ءۇشىن بەرۋ تۋرالى شارتتى راتيفيكاتسيالاۋ تۋرالى» زاڭدى دا قارايدى.
سونىمەن قاتار بيۋرو مۇشەلەرى سەناتتىڭ پارلامەنت فۋنكتسيالارىن ورىنداۋىنا بايلانىستى ءماجىلىس اپپاراتىنان تالاپ ەتىلگەن جانە سەناتقا ۇكىمەتتەن كەلىپ تۇسكەن زاڭ جوبالارىن تۇراقتى كوميتەتتەرگە ءبولىپ بەردى.