پرەزيدەنت مەملەكەتتىك قىزمەت ىستەرى اگەنتتىگىنىڭ توراعاسى دارحان جازىقباەۆتى قابىلدادى, دەپ حابارلايدى Egemen.kz.
مەملەكەت باسشىسىنا اگەنتتىكتىڭ بىلتىر اتقارعان جۇمىستارى مەن ونىڭ تاپسىرمالارىنىڭ ورىندالۋ بارىسى جونىندە ەسەپ بەرىلىپ, الداعى كەزەڭگە ارنالعان جوسپارى تۋرالى باياندالدى. پرەزيدەنتكە مەملەكەتتىك قىزمەتكە كىرۋ ىسىندەگى ارتىق كەدەرگىلەردى جويۋ, ودان شىعۋ ءتارتىبىن جەڭىلدەتۋ ءۇشىن جۇرگىزىلگەن جۇمىستار تۋرالى مالىمەت بەرىلدى.
دارحان جازىقباەۆتىڭ ايتۋىنشا, مەملەكەتتىك قىزمەتكە ىرىكتەۋ جانە قابىلداۋ پروتسەسىن تولىق تسيفرلاندىرۋ ماقساتىندا «ە-قىزمەت» جۇيەسى جاڭعىرتىلدى جانە ونىڭ بازاسىندا بيىل 1 ناۋرىزدان باستاپ جاڭا ىرىكتەۋ جۇيەسى پيلوتتىق جوبا رەتىندە ىسكە قوسىلادى. اگەنتتىك توراعاسى بيۋروكراتيالىق كەدەرگىلەردى ازايتۋعا باعىتتالعان مەملەكەتتىك ورگانداردىڭ قىزمەتىن تالداۋ ناتيجەلەرى تۋرالى دا باياندادى.
دارحان جازىقباەۆ اگەنتتىكتى تولىققاندى HR-ينستيتۋتقا اينالدىرۋ جونىندەگى جوسپارلى شارالارعا ارنايى توقتالدى. قاسىم-جومارت توقاەۆقا سالالىق كادرلاردىڭ مەملەكەتتىك اپپاراتقا قاجەتتىگىن ەسكەرە وتىرىپ, پرەزيدەنتتىك جاستار كادر رەزەرۆىنە كەزەكتى ىرىكتەۋ وتكىزۋگە دايىندىق جۇمىستارىنىڭ باستالعانى جونىندە مالىمەت بەرىلدى. سونداي-اق وڭىرلىك جاستار كادر رەزەرۆتەرىن قۇرۋ جوسپاردا بار.
قاسىم-جومارت توقاەۆ مەملەكەتتىك اپپاراتتىڭ سەرۆيستىك مودەلىن قالىپتاستىرۋ جانە مەملەكەتتىك قىزمەتتى ودان ءارى جەتىلدىرۋ جۇمىستارىن جۇيەلى تۇردە جالعاستىرۋدى تاپسىردى.