«نەكە جانە وتباسى تۋرالى» قر كودەكسىنە جاڭا وزگەتۋلەر ەنگىزىلدى, دەپ حابارلايدى Egemen.kz.
قازاقستاندا بالانىڭ كەز-كەلگەن تۋىسقانىمەن قارىم-قاتىناس جاساۋ قۇقىعى ەندى «نەكە جانە وتباسى» كودەكسىندە ارنايى باپپەن ايقىندالادى. بۇل تۋرالى اشىق نقا پورتالىندا وقۋ-اعارتۋ مينيسترلىگى جاريالاعان قۇجات جوباسىنان بەلگىلى بولدى.
اتاپ ايتقاندا, «نەكە جانە وتباسى» كودەكسىنە جاڭا 73-1 باپ ەنگىزىلەدى. وندا «اتالار, اجەلەر, باۋىرلار, اپكەلەر جانە باسقا تۋىستار بالامەن ارالاسۋعا قۇقىلى» دەپ جازىلعان.
باپقا سايكەس, ەگەر اتا-انا بالانىڭ جاقىن تۋىستارىنا ونىمەن قارىم-قاتىناس جاساۋ مۇمكىندىگىن بەرۋدەن باس تارتسا, داۋدى قر بالالاردىڭ قۇقىقتارىن قورعاۋ سالاسىنداعى ۋاكىلەتتى ورگانى ايقىندايتىن تارتىپپەن قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگان شەشەدى.
وقۋ-اعارتۋ مينيسترلىگى زاڭعا مۇنداي تولىقتىرۋ ەنگىزۋ قاجەتتىگىن اتا-اجەلەر مەن باسقا تۋىستاردىڭ بالامەن قارىم-قاتىناس ءتارتىبىن انىقتاۋعا بايلانىستى داۋلاردى شەشۋدە قيىندىقتار تۋىنداعانىمەن ءتۇسىندىردى.
قۇجات جوباسى 24 اقپانعا دەيىن جاريا تالقىلاۋعا ۇسىنىلعان.
گۇلشاحرا سانسىزباي