مەملەكەت باسشىسى نۇرسۇلتان نازارباەۆ ەلىمىزدىڭ قورعانىس ءمينيسترى سەرىك احمەتوۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
قازاقستان پرەزيدەنتى مينيسترلىكتىڭ باسىمدىعى بار مىندەتتەرى قورعانىس جۇيەسىن دامىتۋ, قارۋلى كۇشتەردى قاجەتتى جاۋىنگەرلىك ارسەنالمەن قامتاماسىز ەتۋ, اسكەردىڭ جاۋىنگەرلىك دايىندىعىن تەكسەرۋ جانە اسكەري دوكترينا ماسەلەلەرىن جۇزەگە اسىرۋ ەكەندىگىن اتاپ ءوتتى.
س.احمەتوۆ مەملەكەت باسشىسىنا مينيسترلىكتىڭ قازىرگى قىزمەتى مەن قارۋلى كۇشتەردى جوعارى جاۋىنگەرلىك دايىندىقتا ۇستاۋ جۇمىستارىن جالعاستىرۋ جونىندە باياندادى.
قورعانىس ءمينيسترى ارميانى ءارى قاراي كاسىبيلەندىرۋ, زاماناۋي قارۋ-جاراقپەن جابدىقتاۋ, قورعانىس ونەركاسىبىن دامىتۋ شارالارى تۋرالى دا ايتتى.
سونىمەن قاتار, س.احمەتوۆ پرەزيدەنتتى تاياۋدا ماسكەۋدە وتكەن ۇقشۇ-عا مۇشە ەلدەر قورعانىس مينيسترلەرى كەڭەسىنىڭ وتىرىسىنا قاتىسۋ قورىتىندىلارى جونىنەن حاباردار ەتتى.
مەملەكەت باسشىسى كەزدەسۋ قورىتىندىسى بويىنشا بىرقاتار ناقتى تاپسىرمالار بەردى.