بۇگىن, 2 اقپاندا «اقمولا-تىرشىلىك» جشس ديرەكتورى مەن قىزمەتكەرلەرى «Egemen Qazaqstan» رەسپۋبليكالىق گازەتىنىڭ قىزمەتكەرلەرىمەن كەزدەسىپ, تاجىريبە الماستى, دەپ حابارلايدى Egemen.kz.
«Egemen Qazaqstan» رەسپۋبليكالىق گازەتىنىڭ رەداكتسياسىنا «اقمولا-تىرشىلىك» جشس ديرەكتورى, جازۋشى, جۋرناليست, قوعام قايراتكەرى جابال ەرعاليەۆ, «اكمولينسكايا پراۆدا» وبلىستىق گازەتىنىڭ باس رەداكتورى ۆلاديسلاۆا كوكورينا, «ارقا اجارى» وبلىستىق گازەتىنىڭ جاۋاپتى حاتشىسى اسىلاي ايجارىقوۆا مەن گازەت ءتىلشىسى كاميلا ءابدىلمانوۆا كەلىپ, باس باسىلىمنىڭ ۇجىمى مەن جۇمىسىمەن تانىستى.
باس باسىلىمنىڭ باس رەداكتورى عابيت مۇسىرەپ «Egemen Qazaqstan» جانە «كازاحستانسكايا پراۆدا» گازەتتەرىنىڭ عاسىرلىق تاريحىنا توقتالىپ, بۇگىندە ءبىر شاڭىراق استىندا بىرلەسە جۇمىس ىستەپ جاتقان شىعارماشىلىق ۇجىمداردىڭ جۇمىسى جايلى اڭگىمەلەدى. ال «كازاحستانسكايا پراۆدا» گازەتىنىڭ باس رەداكتورى ءسابيت مالدىبايدىڭ ايتۋىنشا, قاڭتار وقيعاسى سياقتى كۇردەلى كەزەڭدە مەرزىمدى باسىلىمدار ەڭ سەنىمدى اقپارات كوزىنە اينالدى, سوندىقتان گازەت ساپاسى مەن مازمۇنى ۇنەمى جوعارى دەڭگەيدە بولۋى قاجەت.
كەزدەسۋ بارىسىندا قوناقتار «ەگەمەن قازاقستان» مەن «كازاحستانسكايا پراۆدا» رەداكتسياسىنىڭ ءار ءبولىمىن ارالاپ, شىعارماشىلىق ۇجىمنىڭ جۇمىس بارىسىن, گازەت شىعارۋ پروتسەسىن باقىلادى.
قازاقستان ءباسپاسوزىنىڭ بۇگىنگى جاعدايىنا توقتالا كەتكەن جابال ەرعاليەۆ بۇگىندە جۋرناليستيكا سالاسىنا دارىندى جاستار مەن بىلىكتى مامانداردىڭ كوپتەپ كەلۋى قۋانتاتىنىن ايتتى. ال رەسپۋبليكالىق گازەتتەر ولاردىڭ قالامدارىن قارىمدى ەتىپ, تاجىريبەلەرىن شىڭداۋعا مۇمكىندىك بەرەدى. بۇگىندە «ارقا اجارى» مەن «اكمولينسكايا پراۆدا» گازەتتەرىن ءبىر شاڭىراق استىندا بىرىكتىرىپ وتىرعان «اقمولا-تىرشىلىك» سەرىكتەستىگى دە جاس مامانداردى جۋرناليستيكا سالاسىنا تارتىپ كەلەدى.