قازاقستان تەننيس فەدەراتسياسىنىڭ پرەزيدەنتى ەلەنانىڭ اۋستراليا اشىق بىرىنشىلىگىندەگى تابىسىنا وراي ءوز پىكىرىن ءبىلدىردى, دەپ حابارلايدى Egemen.kz قتف-عا سىلتەمە جاساپ.
«مەن ەلەناعا جوعارى دەڭگەيدە ونەر كورسەتكەنى ءۇشىن ريزاشىلىعىمدى بىلدىرگىم كەلەدى. بۇل – ەلىمىزدە تەننيستىڭ تابىستى دامىپ كەلە جاتقانىنىڭ كورىنىسى. Australian Open فينالىنا دەيىن جەتۋ – شەبەرلىك پەن تۇراقتىلىقتىڭ بەلگىسى. دودا بارىسىندا ەلەنا الەمدىك رەيتينگىنىڭ كوشباسشىسى يگا شۆەنتەكتى, باسقا دا مىقتىلاردى تىزە بۇكتىردى. ولاردىڭ ۇشەۋى – «ۇلكەن دۋلىعا» ءتۋرنيرىنىڭ جەڭىمپازى. ەلەنانىڭ ءتۇرلى توسەنىشتەگى كورتتاردا ءوزىن ەركىن سەزىنىپ, قارسىلاسىنا بايلانىستى تاكتيكاسىن ساۋاتتى قۇراتىنى, ءوز ويىنىن ۇنەمى جەتىلدىرىپ كەلە جاتقانى ايقىن كورىنىپ تۇر. جىلدىڭ ءساتتى باستالۋى الداعى جەڭىستەرگە جول اشادى دەپ ۇمىتتەنەمىن», دەدى بولات وتەمۇراتوۆ.