قازاقستان تەننيسشىلەرى – جىبەك قۇلامباەۆا مەن گوزال اينيتدينوۆا جۇپتىق سىندا ءۇندىستاننىڭ پۋنا قالاسىندا وتكەن ITF W40 ءتۋرنيرىنىڭ فينالىندا قارسىلاستارىنا جول بەردى.
الەمدىك رەيتينگتە 483-ورىندا تۇرعان جىبەك قۇلامباەۆا مەن گوزال اينيتدينوۆا (585 WTA) باس جۇلدە ءۇشىن وتكەن ماتچتا جارىس قوجايىندارى – انكيتا راينا مەن پراتحانا تحومبارەمەن شەبەرلىك بايقاستى. ءبىرىنشى سەتتە جەرلەستەرىمىز 6:4 ەسەبىمەن جەڭىسكە جەتسە, ەكىنشى سەتتە ءۇندىستان تەننيسشىلەرى ەسە قايتارىپ, تارازى باسىن تەڭەستىردى – 7:5. ال شەشۋشى تاي-برەيكتە كورت يەلەرىنىڭ جولى بولىپ (10:8), جارىس جەڭىمپازى اتاندى.
تاعى ءبىر جەرلەسىمىز البينا كاكەنوۆا دا اۋسترالياداعى Asia-Pacific Elite 14 & Under Trophy جاسوسپىرىمدەر ءتۋرنيرىنىڭ فينالىندا جەڭىلدى. قازاقستاننىڭ جاس تەننيسشىسى تارتىستى وتكەن باسەكەدە جاپونيالىق حيكاري يامومموتوعا ەسە جىبەردى – 7:6, 4:6, 2:6.