پاۆلوداردا №1 اۆتوبۋس پاركى كەزەكتى 10 جاڭا اۆتوبۋسپەن تولىقتى. بۇل تۋرالى وبلىس اكىمى اسايىن ءبايحانوۆ ىnstagram پاراقشاسىندا جازدى, دەپ حابارلايدى Egemen.kz.
«بۇل – ZHONG Tong ماركالى 12 مەترلىك ءۇش ەسىكتى اۆتوبۋستار. جالپى سىيىمدىلىعى 85 ادامعا شاقتالعان, 24 ورىندىق, 8 بەينەكامەرامەن, كليماتتى باقىلاۋمەن جابدىقتالعان. اسىرەسە, مۇمكىندىگى شەكتەۋلى ازاماتتار ءۇشىن ىڭعايلى ەكەندىگىن اتاپ وتكىم كەلەدى. قوعامدىق كولىكتەرگە ۆاليداتورلار ورناتۋ قاجەت. جاڭا اۆتوبۋستار 5 اقپانعا قاراي جەلىگە شىعارىلادى», دەلىنگەن جازبادا.
قوعامدىق كولىكتەردى كوپ شاعىم تۇسكەن №111 مارشرۋت بويىنشا جىبەرۋ جوسپارلانىپ وتىر. ناتيجەسىندە قوزعالىس ارالىعى 15 مينۋتتى قۇرايتىن بولادى.تاسىمالداۋشىعا ناۋرىز ايىنىڭ سوڭىنا دەيىن وبلىسقا سىيىمدىلىعى جوعارى تاعى 40 اۆتوبۋس قويۋ مىندەتى قويىلعان. ونىڭ 20-سى پاۆلودار جانە 20-سى ەكىباستۇز قالاسىنا ارنالعان.