قۇسمۇرىن كەنتىندەگى جەكە ۇيلەردىڭ بىرىندە ءورت شىقتى. ءورت ءسوندىرۋ جۇمىستارى كەزىندە 34 جاستاعى ايەل مەن ونىڭ 6 جاسار ۇلىنىڭ مايىتتەرى تابىلدى. وبلىستىق توتەنشە جاعدايلار دەپارتامەنتى مەن پوليتسيا دەپارتامەنتى بۇل جاعدايعا قاتىستى تۇسىنىكتەمە بەردى, دەپ حابارلايدى Egemen.kz.
قايعىلى وقيعا كەشە تاڭعا جۋىق ورىن العان. قوستاناي وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, ءورت سوندىرۋشىلەر 26 قاڭتار كۇنى ساعات 09:09-دا شاقىرىلعان. انىقتالعانداي, جەكە تۇرعىن ۇيدەن ءورت شىققان.
ء«ورت سوندىرۋشىلەر وقيعا ورنىنا ساعات 09:17-دە جەتكەن. قۇتقارۋشىلار 15 شارشى مەتردى قۇرايتىن قوناق بولمەدەگى جيھازدىڭ بارلىعى جانىپ جاتقانىن انىقتادى. ۇيدەن گاز باللونى شىعارىلدى. ءورت سالدارىنان 34 جاستاعى ايەل مەن ونىڭ 6 جاسار ۇلى قايتىس بولدى», دەپ حابارلادى تجد.
قازىرگى ۋاقىتتا ءورتتىڭ شىعۋ سەبەپتەرى انىقتالىپ جاتىر.