شەتەلدىك ينۆەستورلار سولتۇستىك قازاقستان وبلىسىنا قىزىعۋشىلىق بىلدىرۋدە

استانا. 16 ماۋسىم. تابيعاتى سۇلۋ سولتۇستىك قازاقستان وبلىسىندا تۋريزم سالاسىن دامىتۋدىڭ مۇمكىندىگى جوعارى. بۇل تۋرالى «24kz» حابارلادى. سولتۇستىك قازاقستان وبلىسى ايىرتاۋ اۋدانىنداعى يمانتاۋ, شالقار كولدەرىنە شەكارا اسىپ كەلەتىن دەمالۋشى قاتارى جىل سايىن ارتىپ كەلەدى. شەتەلدىكتەر كۋرورتتىق ولكەنىڭ دامۋىنا قىزىعۋشىلىق تانىتىپ وتىر. قالتالى ازماتتار ءوز قارجىلارىن باسقا دا سالالارعا سالۋعا مۇددەلى. جەرگىلىكتى اتقارۋشى بيلىك وسى ماقساتتا شەت مەملەكەت ەلشىلەرىنە 200 حات جولداعان. وسى ورايدا سولتۇستىك قازاقستان وبلىسى يندۋستريالدى-يننوۆاتسيالىق دامۋ باسقارماسى ءبولىمىنىڭ جەتەكشىسى يرينا كۋزنەتسوۆا: «ينۆەستورلار باسقا دا سالالارعا قىزىعۋشىلىق تانىتىپ وتىر. اتاپ ايتساق, اۋىلشارۋاشىلىعى ونىمدەرىن وڭدەۋ, ماشينا جاساۋ, تاۋ-كەن ءوندىرىسى, قۇرىلىس يندۋسترياسى. قازىردە بەلگيا, اۆتريا, شۆەيتساريا, يسپانيا, سلوۆاكيا, پولشا, ليتۆا مەملەكەتتەرىنىڭ ەلشىلەرىمەن كەلىسسوزدەر جۇرگىزىپ جاتىرمىز», – دەدى. جولدىباي بازار. دەرەككوز: «24kz». فوتو: wikimapia.kz.