برازيليانىڭ سولتۇستىك-شىعىسىندا مەديتسينالىق فۋرگون جۇك كولىگىمەن سوقتىعىسىپ, 12 ادام قازا تاپتى, دەپ حابارلايدى, Egemen.kz.
اسكەري پوليتسيانىڭ مالىمەتىنشە, وقيعا سارسەنبىگە قاراعان ءتۇنى توكانتينس شتاتىنداعى ناتيۆيدادي مۋنيتسيپاليتەتىنىڭ ماڭىندا بولعان. ەكى كولىك بەتپە-بەت سوقتىعىسقان.
«زارداپ شەككەندەردىڭ اراسىندا جەتى ايەل, ءتورت ەر ادام جانە ءبىر ءسابي بار. تاعى ەكى جولاۋشى جاراقات الدى», دەپ جازىلعان جەرگىلىكتى باق-تاعى اقپاراتتا.
بەلگىلى بولعانداي, جۇك كولىگىندە بولعان ەر ادام مەن ايەل جەڭىل جاراقات الىپ, ولار كوپ ۇزاماي اۋرۋحانادان شىعارىلعان.