استانا. 16 ماۋسىم. قىزىلوردا قالاسىندا ءوتىپ جاتقان قازاقستان-رەسەي-بەلارۋس ەكسپەرتتىك فورۋمىندا قىزىلوردا وبلىسىنىڭ اكىمى ق.كوشەرباەۆ ەۋرازيالىق ەكونوميكالىق وداقتىڭ شەڭبەرىندە ونەركاسىپتى دامىتۋ جانە شىعارىلاتىن ءونىم ساپاسىن جاقسارتۋ قاجەت دەپ مالىمدەدى. بۇل تۋرالى «قازاقپارات» حابارلادى.
قىرىمبەك كوشەرباەۆ: «قىزىلوردا وبلىسى بۇكىل ەلىمىزدى كۇرىشپەن قامتيدى. مۇندا ەلىمىزگە قاجەتتى كۇرىشتىڭ 90 پايىزى وسىرىلەدى. ال, كەدەندىك وداق قۇرىلعان ساتتەن باستاپ قىزىلوردا وبلىسىنان رەسەي نارىعىنا 73 مىڭ توننادان استام كۇرىش ەكسپورتتالدى», – دەدى.
سونداي-اق, وبلىس اكىمى شىعارىلاتىن ءونىمنىڭ ساپاسىن جاقسارۋت جونىندە ءوز پىكىرىن ورتاعا سالا كەلە: «جاڭا تەحنولوگيالاردى ەنگىزۋ ءارى كۇرىشتىڭ جاڭا تۇزدى توپىراقتا شىدامدى سورتتارىن كراسنودار قالاسىنداعى بۇكىل رەسەيلىك كۇرىش شارۋاشىلىعىنىڭ عىلىمي زەرتتەۋ ينستيتۋتىمەن بىرلەسە جاساۋ بويىنشا جۇمىس باستالدى. بۇل سۇرانىستى وتەۋگە مۇمكىندىك بەرەدى», – دەدى.
جولدىباي بازار.
دەرەككوز: «قازاقپارات».
فوتو: news.nur.kz.