استانا. 14 ماۋسىم. چەمپيوناتتىڭ كۋيابا قالاسىندا چيلي قۇراماسى اۆستراليا كومانداسىن 3:1 ەتىپ تىزە بۇكتىردى. بۇل تۋرالى egemen.kz حابارلادى.
ازىرگە الەم دوپ دوداسىنىڭ بارلىق ماتچتارى قىزىقتى دا ەستە قالاتىنداي بولىپ ءوتىپ جاتىر. چيلي مەن اۆستراليا اراسىنداعى كەزدەسۋ دە بۇدان شەت قالعان جوق. بۇعان قوسا, وسىنىڭ الدىنداعى ماتچتاردىڭ بارىندە ورىن العان تورەشىلەردىڭ جۇگەنسىزدىگى مۇندا بايقالا قويمادى. سوندىقتان كوت-د`يۆۋار ەلىنەن كەلگەن نۋماندەز دۋە باستاعان اربيترلاردىڭ وسى ونەگەلى ىستەرى كەيىنگىلەرگە جۇعىستى بولاتىن شىعار دەگەن ۇمىتتەمىز.
ال ۆ توبىنداعى ەكى كوماندا كەزدەسكەن بۇل ويىندا سەنساتسيا ورىن المادى. ايتكەنمەن, «لا روحا» ارال-كونتينەنت جاساعىن ەشبىر قيىندىقسىز ۇتىپ شىقتى دەپ تاعى ايتا الماساق كەرەك.
كەزدەسۋدىڭ باسىندا حورحە ءسامپاوليدىڭ شاكىرتتەرى قارسىلاستارىن تاپتاپ وتە شىعاتىنداي بولىپ كورىنگەن. ولار وسى باسىمدىلىقتارىن ەكى مينۋتتىڭ ىشىندە ەكى گولعا اينالدىرىپ, بىردەن العا كەتكەن. گولداردى 12-مينۋتتا الەكسيس سانچەس جانە 14-مينۋتتا حورحە ۆالديۆيا سالدى. راس, اۆستراليالىقتار ءبىرىنشى تايمدا-اق مۇنىڭ ءبىر دوبىنىڭ قارىمتاسىن قايتارىپ ۇلگەرگەن (تيم كەحيلل, 35-مينۋت). بىراق ولاردىڭ قارقىنى سونىمەن ءبىتتى.
ال ەكىنشى تايمدا وسى ەسەپ ويىن سوڭىنا دەيىن وزگەرمەگەن كۇيى تۇردى. مۇنىڭ الەتىندە اۆستراليا فۋتبولشىلارى شابۋىلدى ۇدەتتى. ەگەر ولاردىڭ تيم كەحيلل مەن مارك برەشيانو سەكىلدى فورۆاردتارىنىڭ سوڭعى سوققىلارى دۇرىس شىققاندا, ويىننىڭ قالاي اياقتالارىن كىم ءبىلسىن! دەگەنمەن, چيليلىكتەر وسى ەسەپتى ۇستاپ قالدى. بۇعان قوسا, قوسىمشا ەكىنشى مينۋتتا ولار تاعى ءبىر گول سوعىپ (جان بوسەجۋر) جەڭىستىڭ جۇگىن جەڭىلدەتە ءتۇستى.
دامير قوجامقۇل.
دەرەككوز: چەمپيونات.رۋ.
فوتو: چەمپيونات.رۋ.