كەزدەسۋ بارىسىندا قاسىم-جومارت توقاەۆقا ەدب جۇمىسىنىڭ ناتيجەلەرى جانە قازاقستانمەن ىنتىماقتاستىقتى ودان ءارى جالعاستىرۋ جوسپارى, سونداي-اق بانكتىڭ الداعى كەزەڭگە ارنالعان بولجامدارى جونىندە مالىمەت بەرىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
بيىل بانك ەلىمىزگە 1,1 ميلليارد دوللاردان اسا قارجى قۇيۋعا جانە حالىقارالىق ينۆەستيتسيالاردىڭ قازاقستاندىق جوبالارعا تارتىلۋىنا ىقپال ەتۋگە نيەتتى. كولىك ينفراقۇرىلىمى جانە لوگيستيكا, ونەركاسىپ, اگروونەركاسىپ كەشەنى, جاسىل ەنەرگەتيكا جانە سۋ رەسۋرستارى سەكىلدى سالالارعا باسىمدىق بەرىلەدى.نيكولاي پودگۋزوۆ بىلتىر ەۋرازيالىق دامۋ بانكى قازاقستانعا قۇيىلعان ينۆەستيتسيا مولشەرىن 2021 جىلمەن سالىستىرعاندا 5 ەسە ءوسىرىپ, 1,2 ميليارد دوللارعا جەتكىزگەنىن, بارلىق جوسپارلى كورسەتكىشتەردى اسىرا ورىنداعانىن ايتتى.سونىمەن قاتار مەملەكەت باسشىسىنا ەلارالىق ينتەگراتسيالىق جوبالاردىڭ جۇزەگە اسىرىلۋ بارىسى جونىندە باياندالدى. اتاپ ايتقاندا, اياگوز – باقتى تەمىرجول جەلىسىنىڭ جانە قازاقستان مەن قىتاي اراسىنداعى شەكارا وتكەلىنىڭ قۇرىلىسى, سونداي-اق استراحان – ماڭعىشلاق سۋ قۇبىرىن جاڭعىرتۋ سياقتى جوبالار.بۇدان بولەك, پرەزيدەنتكە ەدب باسقارما توراعاسى بيىل 15-17 مامىر كۇندەرى الماتىدا وتەتىن ازيا-تىنىق مۇحيتى ايماعىنىڭ دامۋ ينستيتۋتتارى قاۋىمداستىعىنىڭ (ADFIAP) كەزدەسۋىنە دايىندىق بارىسىن باياندادى. جيىنعا الەمنىڭ 40 ەلىنەن 80-نەن استام دامۋ ينستيتۋتى, سونداي-اق حالىقارالىق قۇرىلىمدار, قازاقستان مەن ورتالىق ازيا ەلدەرىنىڭ سالالىق مينيسترلىكتەرى قاتىسىپ, ەلىمىزدىڭ جانە ەۋرازيالىق ەكونوميكالىق وداققا مۇشە مەملەكەتتەردىڭ ەكونوميكاسىنا ينۆەستيتسيا قۇيۋ ماسەلەلەرىن تالقىلايدى.قاسىم-جومارت توقاەۆ ينتەگراتسيالىق ۇدەرىستەردە ەۋرازيالىق دامۋ بانكىنىڭ بەلسەندى ءرول اتقاراتىنىناتاپ ءوتتى. ونىڭ ايتۋىنشا, بانكتىڭ ينفراقۇرىلىمدى جاڭعىرتۋ جانە سالۋ جونىندەگى جوبالارعا قاتىسۋى قازاقستان ەكونوميكاسىنىڭ دامۋىنا ايتارلىقتاي ۇلەس قوسادى.