بۇگىندە باق, اسىرەسە تەلەارنالار رەيتينگتىڭ باسەكەسىنە ءتۇسىپ, ەكرانداعى جانە ءباسپاسوز بەتىندەگى پوزيتيۆ پەن نەگاتيۆتىڭ ارا سالماعىن بۇزىپ الدى. وكىنىشكە قاراي, قازىر جاڭادان سالىنعان بالاباقشا مەن جاڭا بەرىلگەن مەكتەپ تۋرالى اقپاراتتىڭ قارالىمى از دەپ ەسەپتەلىنەدى.
بۇل ءسوزدىڭ جانى دا بار. ادامدار جاقسىلىقتى كورۋدەن قالىپ بارادى. ەگەر وسىلاي كەتە بەرەتىن بولساق, ەلىمىز تۋرالى قالىپتاسىپ العان تەرىس تۇسىنىكتى ودان سايىن ۇڭگىپ, تەرەڭدەتە بەرەمىز. راس, ەلدە وتە كۇردەلى, ەلەۋلى پروبلەمالار بار. بىراق بازبىرەۋلەر جازىپ جۇرگەندەي, قازاقستان ءدال سونشالىقتى سورلى ەل ەمەس. ەلدىڭ الەۋەتى ءالسىز ەمەس. سوندىقتان حالىقتىڭ ساعىن سىندىرا بەرمەۋ كەرەك. وقىرماندى تۇڭىلتە بەرۋدىڭ قاجەتى جوق. ونىڭ اياعى جاقسىلىققا اپارمايدى.
حالىقتىڭ ەڭسەسىن كوتەرەتىن, جاسالىپ جاتقان جاقسى ىستەردى دە, ۇلكەن پروبلەمالاردى دا ءۇمىتتى ۇزدىرمەيتىن, سەنىمدى كۇشەيتەتىن ماسەلەلەرگە دە نازار اۋدارىلسا دەيمىن. جانە بۇل ءدال وسى ايلاردا وتە ماڭىزدى. ويتكەنى سايلاۋ قارساڭىندا پارتيالار وزدەرىنىڭ باعدارلامالارىن ۇسىنادى. تىزىمگە ەنگەن كانديداتتار ەلدىمەكەندەردى ارالاپ, ناسيحات جۇمىستارىن جۇرگىزەدى. ولاردىڭ بارلىعىندا دەرلىك نازار ەلدەگى كەمشىلىكتەرگە اۋدارىلادى. ويتكەنى كىم كەمشىلىكتى كوبىرەك ايتسا, كىم پروبلەمانى كوبىرەك كوتەرسە, سولاردىڭ ءسوزى ءوتىمدى بولاتىنىن ءبارى بىلەدى.
ساۋىتبەك ابدراحمانوۆ,
قازاقستاننىڭ ەڭبەك سىڭىرگەن قايراتكەرى