ۇلتتىق ەكونوميكا ءمينيسترى الىبەك قۋانتىروۆ «اتامەكەن» ۇكپ پرەزيديۋمىنىڭ توراعاسى رايىمبەك باتالوۆپەن كەزدەسۋ وتكىزدى, دەپ حابارلايدى Egemen.kz اتالعان ۆەدومستۆونىڭ ءباسپاسوز قىزمەتىنە سىلتەمە جاساپ.
تاراپتار شاعىن جانە ورتا بيزنەستى دامىتۋدىڭ وزەكتى ماسەلەلەرىن, ونىڭ ىشىندە شوب ءۇشىن رەتتەۋشى ورتانى جاقسارتۋ بويىنشا ءوزارا ءىس-قيمىلدى كۇشەيتۋدى تالقىلادى.
رايىمبەك باتالوۆ ۇلتتىق كاسىپكەرلەر پالاتاسىنىڭ قىزمەتىن ترانسفورماتسيالاۋ تۋرالى ايتىپ بەردى. اتاپ ايتقاندا, وڭىرلەردە كاسىپكەرلىكتى بەلسەندى دامىتۋعا جانە قولداۋعا ەرەكشە نازار اۋدارىلادى.
كەزدەسۋ بارىسىندا مەملەكەتتىك جوسپارلاۋ جۇيەسىن جەتىلدىرۋ جانە جوبالاردى ىسكە اسىرۋ كەزىندە جوبالىق ءتاسىلدى قولدانۋ بويىنشا «اتامەكەن» ۇكپ-نىڭ قاتىسۋى تۋرالى ءسوز قوزعالدى. بۇدان بولەك, نورماتيۆتىك قۇقىقتىق قۇجاتتاردىڭ ساراپتاما ساپاسىن جاقسارتۋ ماسەلەسى قاراستىرىلدى.
كاسىپكەرلىكتى قولداۋ جانە دامىتۋ جونىندەگى جۇمىس بيزنەس-قوعامداستىقپەن ءوزارا تىعىز ءىس-قيمىلدا جۇزەگە اسىرىلادى.