بۇگىن, 25 قاڭتاردا حالىقارالىق تۇركى مادەنيەتى ۇيىمىنىڭ (تۇركسوي) باس حاتشىسى س.ا.راەۆتىڭ تۇركى الەمى ماتەماتيكالىق قوعامىنىڭ (Turkic World Mathematical Society) پرەزيدەنتى ب.ت.جۇماعۇلوۆپەن كەزدەسۋى ءوتتى, دەپ حابارلايدى Egemen.kz.
كەزدەسۋدە تۇركى الەمى ماتەماتيكالىق قوعامىنىڭ VII كونگرەسىن (TWMS 2023) وتكىزۋ ماسەلەلەرى تالقىلاندى, ونىڭ ماقساتى - عالىمداردىڭ حالىقارالىق بايلانىستارى مەن عىلىمي ىنتىماقتاستىعىن كەڭەيتۋ, ماتەماتيكا عىلىمىن دامىتۋعا جانە عىلىمي زەرتتەۋلەردە, تەحنيكا مەن ءبىلىم بەرۋدە ماتەماتيكا, اقپاراتتىق تەحنولوگيالار جەتىستىكتەرىن قولدانۋعا جاردەمدەسۋ.
TWMS-ءتىڭ كەزەكتى كونگرەسى 20-23 قىركۇيەك ارالىعىندا تۇركى الەمىنىڭ رۋحاني استاناسى – تۇركىستان قالاسىنداعى ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ بازاسىندا وتكىزىلەدى.
كەزدەسۋ بارىسىندا تۇركسوي باس حاتشىسى س.ا.راەۆ كونگرەسستى جوعارى دەڭگەيدە وتكىزۋگە قولداۋ كورسەتىپ, جان-جاقتى كومەك كورسەتەتىنىنە سەنىم ءبىلدىردى.