بۇگىن ورتالىق سايلاۋ كوميسسياسىندا پرەزيدەنت تاعايىنداعان سەناتورلارعا پارلامەنت سەناتى دەپۋتاتتارىنىڭ توسبەلگىلەرى مەن كۋالىكتەرى تابىستالدى, دەپ حابارلايدى Egemen.kz.
جاڭا سەناتورلارعا توسبەلگىلەر مەن كۋالىكتەردى ورتالىق سايلاۋ كوميسسياسىنىڭ توراعاسى نۇرلان ءابدىروۆ تابىس ەتتى.
«وسىلايشا, سىزدەردىڭ پارلامەنت سەناتىنىڭ دەپۋتاتتارى رەتىندەگى وكىلەتتىكتەرىڭىز رەسمي تۇردە باستالدى. سىزدەر زاڭ شىعارۋشى بيلىكتى جۇزەگە اسىراتىن ەلدىڭ جوعارى وكىلدى ورگانى – قازاقستان رەسپۋبليكاسى پارلامەنتىنىڭ دەپۋتاتتارى اتاندىڭىزدار. وسى جىلدىڭ 19 ناۋرىزىنا تاعايىندالعان ماجىلىسكە كەزەكتەن تىس سايلاۋ وتكىزۋگە بايلانىستى سىزدەر پارلامەنت سەناتىنىڭ دەپۋتاتتارى رەتىندە كونستيتۋتسيالىق زاڭدار مەن زاڭداردى قابىلداۋ بويىنشا بۇكىل پارلامەنت ءۇشىن زاڭنامالىق فۋنكتسيالاردى ورىندايسىزدار», دەدى وسك توراعاسى.
2023 جىلدىڭ 14 قاڭتارىندا وتكەن سايلاۋ ناتيجەسىندە سەناتقا 20 دەپۋتات سايلانعان ەدى.
پرەزيدەنتتىڭ 24 قاڭتارداعى جارلىقتارىمەن تاعى 10 سەناتور تاعايىندالدى, ونىڭ بەسەۋى – قازاقستان حالقى اسسامبلەياسى تاراپىنان ۇسىنىلعان.