اتىراۋ وبلىسى ماقات اۋدانى دوسسور اۋىلىندا ەكى ادام كومىرقىشقىل گازىنان ۋلانىپ قايتىس بولدى. قالا ماڭىنداعى تومارلى اۋىلىنان تاعى ءۇش ادام ۋلانىپ اۋرۋحاناعا جەتكىزىلدى, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, قايعىلى وقيعا ماقات اۋدانى دوسسور اۋىلىندا بولعان. وندا ەكى قاباتتى ءۇيدىڭ پاتەرلەرىنىڭ بىرىنەن 1977 جانە 1976 جىلى تۋعان ەر ادامداردىڭ مايىتتەرى تابىلدى. ەكەۋى دە كومىرقىشقىل گازىنان ۋلانعان.
تەرگەۋ بارىسىندا قايعىلى وقيعاعا كوگىلدىر وتىنمەن جۇمىس ىستەيتىن جىلىتۋ پەشىن پايدالانۋ ەرەجەسىنىڭ بۇزىلۋى سەبەپ بولعانى بەلگىلى بولدى.
اتىراۋ قالاسىنىڭ ىرگەسىندەگى تومارلى اۋىلىندا تۇندە ءۇش ادام كومىرقىشقىل گازىنا ۋلانىپ قالعان. اۋرۋحاناعا 46 جاستاعى ەر ادام مەن ايەل, سونداي-اق 13 جاستاعى ءجاسوسپىرىم جەتكىزىلدى.