ۇلتتىق كومپانيالاردىڭ ۇلت قاجەتىنە مويىن بۇرا باستاعانى قۋانتادى. ونىڭ انىق ءبىر دالەلى, اپتا ورتاسىندا «KEGOC» اق كورپوراتيۆتىك الەۋمەتتىك جاۋاپكەرشىلىك جانە تۇراقتى دامۋ بويىنشا العاشقى قازاقستاندىق سالالىق بيزنەس-قۇرالدىڭ تۇساۋكەسەرىن وتكىزدى. بيزنەس-قۇرال «كورپوراتيۆتىك الەۋمەتتىك جاۋاپكەرشىلىك – ەلەكتر ەنەرگەتيكالىق كومپانيالار ءۇشىن: بيزنەس تيىمدىلىگىن ارتتىرامىز» دەپ اتالعان.
تۇساۋكەسەر راسىمىنە ارنالعان دوڭگەلەك ۇستەلدە «KEGOC» اق وكىلى مارات قالمەنوۆ, قازاقستان ەلەكتر ەنەرگەتيكالىق قاۋىمداستىعىنىڭ توراعاسى شايمەردەن ورازالينوۆ, قازاقستان ازاماتتىق اليانسىنىڭ ۆيتسە-پرەزيدەنتى ارتۋر پلاتونوۆ, ورتالىق ازيانىڭ ەۋرازيا قورىنىڭ جوبا مەنەدجەرى گاۋحار قوجاشەۆا بيزنەس-قۇرالدىڭ سالا ماماندارى مەن جالپى قوعامعا تيگىزەر پايداسى مەن بىرەگەيلىگى جونىندە اڭگىمەلەدى. ءوزىن جوبانىڭ اۆتورى جانە كىتاپتىڭ رەداكتورى دەپ تانىستىرعان م.قالمەنوۆ بيزنەس-قۇرالدى جاساۋداعى باستى ماقسات تۋرالى ايتتى.
– بۇل پراكتيكالىق قۇرالدى شىعارۋ ارقىلى «KEGOC» اكتسيونەرلىك قوعامى, ۇلتتىق كومپانيا رەتىندە ەلىمىزدىڭ, ەلەكتر ەنەرگەتيكاسى سالاسىنىڭ دامۋىنا جانە دە وسى سالاداعى كاسىپورىنداردىڭ كورپوراتيۆتىك الەۋمەتتىك جاۋاپكەرشىلىك قاعيداتتارى مەن يدەيالارى تۋرالى ءتيىستى دەڭگەيدە حاباردار بولۋىنا وزىندىك ۇلەسىن قوسىپ وتىر. بۇل باسەكەلەستىك قابىلەتتىلىكتى ارتتىرۋ مەن تۇراقتى دامۋدى قولداۋداعى قاجەتتى شارت, – دەدى جوبا اۆتورى.
تۇساۋكەسەر راسىمىندە ءسوز العان ا.پلاتونوۆ جوبانىڭ بىرەگەيلىگى ءجونىندە باياندادى. – «KEGOC» اق ءاردايىم الەمدەگى ۇزدىك تاجىريبەلەرگە ساي بولۋعا ۇمتىلادى, سوندىقتان دا كومپانيانىڭ ورنىقتى دامۋ مەن ازاماتتىق جاۋاپكەرشىلىك ۇستانىمىن قولداۋ ماقساتىندا ءوز تاراپىنان باستاما كوتەرىپ وتىر. كومپانيا باسشىلىعىنىڭ وسى باعىتتاعى جۇمىستارعا ەرەكشە ءمان بەرەتىنىن اتاپ ءوتكەن ءجون. قول جەتكىزگەن جەتىستىكتەر دە وسىدان كەلىپ شىعادى. ۇنەمى قاراپايىم جۇمىسشىلار مەن تۇتىنۋشىلارىنىڭ يگىلىگى ءۇشىن ءتيىمدى شارالارعا مۇرىندىق بولىپ جۇرەدى. ال كەيبىر قورلار مەن كومپانيالار الەۋمەتتىك جاۋاپكەرشىلىكتى ءبىر-ەكى تۇسىندىرمە كىتاپ شىعارۋمەن شەكتەلۋ دەپ تۇسىنەتىنى وكىنىشتى. بۇل ولارعا الەۋمەتتىك جاۋاپكەرشىلىگىن قۇجاتتى تۇردە دالەلدەۋ عانا ەكەنى ءمالىم. بۇگىنگى وتكىزىلىپ وتىرعان شاراعا قايتا ورالار بولساق, «KEGOC» اق-تاعى يگى جاعداي مۇلدە باسقا. بىلتىر ءىرى كاسىپكەرلىك نىساندار اراسىنداعى «ۇزدىك الەۋمەتتىك-جاۋاپتى كاسىپورىن» اتالىمى بويىنشا باس جۇلدەنى يەلەنىپ, «پارىز-2013» سىيلىعىنىڭ لاۋرەاتى اتاندى.
جيىن بارىسىندا قازاقستان ەلەكتر ەنەرگەتيكالىق قاۋىمداستىعىنىڭ ءتوراعاسى شايمەردەن ورازالينوۆ اتالمىش بيزنەس-قۇرالعا قاتىستى ءوز پىكىرىن ءبىلدىردى. قازاقستان بيزنەسىندەگى سۋبەكتىلەر اراسىندا كاج قاعيداتتارى تۋرالى مالىمەتتىڭ ازدىعى, سالاداعى تۇجىرىمدامالاردى ءارتۇرلى تۇسىنەتىندىگى جونىندە ايتا كەلىپ, قولداعى بيزنەس-قۇرال سول كەمشىلىكتەردىڭ ورنىن تولتىراتىنىن ايتتى. راسىندا اتالعان كەمشىلىكتەردىڭ ورنىن تولتىرۋ قاجەتتىلىگى – قازاق ەلىنىڭ بولاشاقتا دۇنيەجۇزىلىك ساۋدا ۇيىمىنا قوسىلۋى, ەۋرازيالىق ەكونوميكالىق وداق شەڭبەرىندە جاقىنىراق بىرىگۋى, جانە دە ءوز قىزمەتىندە الەۋمەتتىك جاۋاپكەرشىلىكتىڭ حالىقارالىق ستاندارتىن باسەكەلەستىك ارتىقشىلىق رەتىندە قولداناتىن شەتەلدىك كاسىپورىنداردىڭ قازاقستان نارىعىنا شىعۋى جاعىنان ەرەكشە ماڭىزعا يە.
بيزنەس-قۇرالدىڭ تاجىريبەلىك ماڭىزدىلىعى 3 شارتقا نەگىزدەلگەن. ءبىرىنشى, بيزنەس قۇرالمەن تانىسا وتىرىپ, ءاربىر ادام ء(تىپتى دايىندىعى جوق وقىرمان) حالىقارالىق جانە قازاقستاندىق ستاندارتتار تۇرعىسىنان كاج قاعيداتتارى مەن يدەيالارى تۋرالى تولىق اقپارات الىپ, ولاردى ءوز جۇمىسىندا قولدانا الادى. ەكىنشى, قازاقستانداعى كاج-ءدى دامىتۋ ەرەكشەلىكتەرى, سونىمەن قاتار, 30 حالىقارالىق جانە وتاندىق جەتەكشى كومپانيالاردىڭ كاج سالاسىنداعى ۇزدىك كورپوراتيۆتىك تاجىريبەلەرى مەن عالامدىق باستامالارى تۋرالى كوپ مالىمەتكە قول جەتكىزەدى. ءۇشىنشى, اينالىساتىن قىزمەتىنە قاراماستان, ءتۇرلى ۇيىمدار مەن ماماندار ساراپتامالىق بىلىمدەرىن جەتىلدىرۋ ماقساتىندا كاج سالاسىنداعى تاجىريبەلىك قۇرالدار مەن ۇسىنىمداردى ەركىن پايدالانۋىنا مۇمكىندىك تۋدى.
ورىس جانە قازاق تىلدەرىندە جارىق كورگەن بيزنەس-قۇرالدىڭ العاشقى تارالىمى 1500 دانامەن جارىق كورىپ وتىر. ەندىگىدە بيزنەس-قۇرال ەلىمىزدىڭ ەلەكتر ەنەرگەتيكالىق كاسىپورىندارىنا, مەملەكەتتىك ورگاندارعا, ۇكىمەتتىك ەمەس ۇيىمدار مەن جوعارى وقۋ ورىندارىنا تاراتىلادى. بۇعان قوسا, كەز كەلگەن وقىرمان بيزنەس-قۇرالمەن «KEGOC» اق www.kegoc.kz سايتىنان تانىسا الادى.
بيزنەس-قۇرال كومپانيالاردىڭ بيزنەس-ستراتەگيالارى نەگىزىندە جانە مۇددەلى تاراپتاردىڭ بولجامى مەن سالاداعى بيزنەس ەرەكشەلىكتەرىن ەسەپكە الا وتىرىپ, كاج جۇمىسىنىڭ قاعيداتتارىن تولىق تۇسىنۋگە مۇمكىندىك بەرەتىنىنە ماماندار تولىق يلانىپ وتىر. جالپىعا بىردەي ستاندارتتار مەن تاجىريبەلەر نەگىزىندە سيپاتتالعان كاج تاسىلدەرى مەن قاعيداتتارىن كەشەندى قولدانۋ بيزنەس, قوعام جانە مەملەكەتىمىز ءۇشىن باستى ماقسات – 2050 جىلعا قاراي الەمنىڭ ەڭ دامىعان 30 ەلىنىڭ قاتارىنا قوسىلۋ مىندەتىن جۇزەگە اسىرۋدا باسەكەلەستىك ارتىقشىلىققا يە بولۋ مۇمكىندىگىن بەرەدى دەگەن ءۇمىت بار.
بارلىق مۇددەلى تاراپتاردىڭ بەلسەندى قاتىسۋى بىرەگەي قۇرالدىڭ شىعۋىن جەدەلدەتتى دەۋگە بولادى. راسىن ايتقاندا, كەشەندى جوبا بار-جوعى 5 ايدا ازىرلەنىپ جارىق كورگەن. وسىعان وراي «KEGOC» اق كاج جوبالارى كونكۋرسىنا قاتىسىپ, وسى بيزنەس-قۇرالدى پراكتيكالىق جاعىنان تولىقتىرۋ ءۇشىن وزدەرىنىڭ 35 كورپوراتيۆتىك ءتاجىريبەسىن ۇسىنعان 14 كومپانياعا العىسىن ايتىپ وتىر. سولاردىڭ ىشىندە, ۋكراينانىڭ «رازۆيتيە كسو» ورتالىعىنا, اتالعان قۇرالدىڭ اۆتورلار ۇجىمىنا, كىتاپتى ازىرلەۋ بارىسىندا كەڭەس بەرگەن قازاقستاننىڭ كاج ماسەلەلەرى جونىندەگى ساراپتاما قاۋىمداستىعىنا, ونىڭ ىشىندە «CSR Club in Kazakhstan» مۇشەلەرىنە وزدەرىنىڭ ايرىقشا ريزالىق سەزىمىن ءبىلدىردى.
نۇرباي ەلمۇراتوۆ,
«ەگەمەن قازاقستان».