كەشە ماسكەۋدەگى Vegas City Hall كەشەنىندە «شاحمات جۇلدىزدارى» دەپ اتالاتىن حالىقارالىق تۋرنير باستالدى. ءبىر اپتاعا سوزىلاتىن جارىستا جەر-جاھاننىڭ ءار قيىرىنان جينالعان 10 گروسسمەيستەر باق سىناپ جاتىر.
اتالعان دوداعا ءبىزدىڭ ءبيبىسارا اساۋباەۆا دا قاتىسادى. ونىڭ وسىنداي قۇرمەتكە بولەنۋى تەگىن ەمەس. كەزىندە ءتۇرلى جاس ەرەكشەلىكتەرى بويىنشا الەم جانە قۇرلىق بىرىنشىلىكتەرىندە سان مارتە باس جۇلدەنى ولجالاعان 18 جاستاعى قازاق قىزى ايەلدەر اراسىندا دا وراسان زور تابىستارعا قول جەتكىزىپ ۇلگەردى. اتاپ ايتساق, 2021 جانە 2022 جىلدارى قاتارىنان ەكى رەت بليتستەن الەم چەمپيونى اتاندى. بىلتىر راپيدتەن الەم بىرىنشىلىگىنىڭ كۇمىس مەدالىن يەلەندى. سول جىلى ازيانىڭ ەڭ ۇزدىك شاحماتشىسى دەپ تانىلدى. ءبيبىسارا باسقا دا اسا ءىرى حالىقارالىق جارىستاردا ولجاعا كەنەلىپ ءجۇر.
اساۋباەۆادان بولەك, ماسكەۋدەگى تۋرنيردە تەيمۋر رادجابوۆ (ازەربايجان), فرانسيسكو ۆالەحو (يسپانيا), راۋناك سادحۆاني ء(ۇندىستان), سەرگەي كارياكين, الەكساندر گريششۋك, سانان سيۋگيروۆ, ۆلاديسلاۆ ارتەمەۆ, الەكساندرا گورياچكينا جانە ەكاتەرينا لاگنو (رەسەي) سىندى گروسسمەيستەرلەر ءوز ونەرلەرىن ورتاعا سالىپ جاتىر.