اقتوبەدە جۇرگىزۋشى كامەلەتكە تولماعان بالانى قاعىپ, وقيعا ورنىنان جاسىرىنعان, دەپ حابارلايدى Egemen.kz Polisia.kz-كە سىلتەمە جاساپ.
17 قاڭتاردا باتىس-2 شاعىن اۋدانىنداعى تاۋەلسىزدىك داڭعىلىنىڭ بويىندا كەشكى ۋاقىتتا بەلگىسىز اۆتوكولىكتىڭ جۇرگىزۋشىسى 12 جاستاعى بالانى قاعىپ, وقيعا ورنىنان قاشىپ كەتكەن.
پوليتسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ بارىسىندا Opel Astra اۆتوكولىگىنىڭ 19 جاستاعى جۇرگىزۋشىسىن انىقتاپ, ۇستادى.
اۆتوكولىك ارنايى اۆتوتۇراققا قويىلدى. جۇرگىزۋشىگە قاتىستى قر اقبتك-ءنىڭ 610-بابى 2-بولىگى (كولiك قۇرالدارى جۇرگiزۋشiلەرىنiڭ جول ءجۇرىسى قاعيدالارىن ادامداردىڭ دەنساۋلىعىنا زيان كەلتiرۋگە, كولiك قۇرالدارىنىڭ نەمەسە وزگە دە مۇلiكتiڭ ب ۇلىنۋىنە الىپ كەلگەن بۇزۋشىلىعى) جانە 611-بابى 2-بولىگى (جۇرگىزۋشىنىڭ جول ءجۇرىسى قاعيدالارىن بۇزا وتىرىپ جول-كولىك وقيعاسى بولعان ورنىن قالدىرۋى) بويىنشا اكىمشىلىك ءىس قوزعالدى.
مەديتسينالىق تەكسەرىستەن كەيىن ءجاسوسپىرىم بالا ۇيىنە قايتارىلدى.