كوكشەتاۋ قالاسىنىڭ 22 جاستاعى تۇرعىنى پوليتسياعا بوپسالاۋ فاكتىسى تۋرالى حابارلاپ, ارىز جازعان, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
جاس جىگىتتىڭ ايتۋى بويىنشا, بەلگىسىز ءۇش جىگىت ونى پاتەرگە كۇشپەن كىرگىزىپ, دەنەسىن جاراقاتتاپ, كەيىن پىشاقپەن قورقىتتقان. ونداعى ماقساتتارى - ۇلكەن مولشەردە قاراجات تالاپ ەتۋ. جاعدايدى ەگجەي-تەگجەيلى انىقتاعان جەدەل ۋاكىلدەر جابىرلەنۋشىنىڭ بۇعان دەيىن ۆكونتاكتە الەۋمەتتىك جەلىسىندە قىزبەن تانىسقانىن انىقتادى. ال العاشقى كەزدەسۋدەن كەيىن ونى بوپسالاۋشىلار «ۇستاپ العان». جابىرلەنۋشىدە تالاپ ەتىلگەن سوما بولماعاندىقتان, قاسكويلەر ونىڭ تەلەفونىنداعى بانكتەردىڭ قولدانىستاعى قوسىمشالارى ارقىلى ەكى ونلاين-نەسيە راسىمدەپ, جابىرلەنۋشىنى ۇنەمى وزدەرىنىڭ باقىلاۋىندا ۇستاپ, جاقىن ماڭداعى بانكوماتتاردان اقشانى شەشىپ العان. قولما-قول اقشا بەرگەن جاس جىگىت بىردەن پوليتسياعا جۇگىنگەن.
«اتالعان دەرەك قر قك-ءنىڭ 194-بابى 2-بولىگى (بوپسالاۋ) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىندە تىركەلدى. كوكشەتاۋدا ارنايى وپەراتسيا ناتيجەسىندە ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى كۇدىكتىلەردى ۇستادى. وبلىس ورتالىعىنىڭ 25 جاستاعى تۇرعىنى, توپ جەتەكشىسىنە قاتىستى «قاماۋدا ۇستاۋ» بۇلتارتپاۋ شاراسى تاعايىندالدى. تاعى ەكى قاتىسۋشىعا قاتىستى شارا قابىلدانىپ, قىلمىستىق ءىستى تەرگەۋ جالعاسىپ جاتىر», دەپ جازىلعان حابارلامادا.