شتاب-پاتەرى گەرمانيانىڭ بونن قالاسىندا ورنالاسقان حالىقارالىق فۋتبول تاريحى مەن ستاتيستيكا فەدەراتسياسى (IFFHS) الەمنىڭ ەڭ ۇزدىك ىشكى چەمپيوناتتارىنىڭ رەيتينگىن جاريالادى.
اتالعان ۇيىم بۇل تىزىمگە 80 مەملەكەتتى ەنگىزگەن ەكەن. وكىنىشكە قاراي, سولاردىڭ قاتارىندا قازاقستان جوق. IFFHS ساراپشىلارىنىڭ پايىمداۋىنشا, ءبىزدىڭ پرەمەر-ليگا زامبيا, البانيا, گرۋزيا, ءباا, نيكاراگۋا, انگولا, ەستونيا, ۆەنەسۋەلا, لاتۆيا, گۆاتەمالا, ازەربايجان, تانزانيا, سۋدان, كيپر سەكىلدى ەلدەردىڭ بىرىنشىلىكتەرىنەن دە ناشار ەكەن. ءتىپتى, وزبەكستاننىڭ ءوزى جەرلەستەرىمىزدەن الدەقايدا جوعارى تۇر. ولار 57-ورىندى يەلەنۋدە. رەسەيگە بۇل تىزىمدە ەڭ سوڭعى 80-ورىن بۇيىرعان ەكەن.
ال كوشباسشىلار جايىندا ايتار بولساق, ءبىرىنشى ورىندا – برازيليانىڭ «ا» سەرياسى. ەكىنشى ورىندا – انگليانىڭ پرەمەر-ليگاسى. ءۇشىنشى ساتىعا يسپانيانىڭ لا ليگاسى ورنالاستى. سونداي-اق گەرمانيانىڭ بۋندەسليگاسى, يتاليانىڭ «ا» سەرياسى, فرانتسيانىڭ 1 ليگاسى, پورتۋگاليانىڭ «پريمەيراسى», نيدەرلاندتىڭ «ەرەديۆيزيى», ارگەنتينانىڭ «پريمەراسى» جانە پاراگۆايدىڭ «پروفەسونال ديۆيزيونى» توپ-10 چەمپيوناتتىڭ قاتارىنا قوسىلدى.