قاراعاندىداعى تۇرعىن ۇيلەردىڭ بىرىندە گاز جارىلدى

جازاتايىم وقيعا قاراعاندى قالاسىندا ساعات 18:51-دە ششورس كوشەسى, 37-ۇيدە بولعان.

«2 قاباتتى تۇرعىن ۇيدە گاز باللونى جارىلعان (كولەمى 5 ليتر). 2 ادام اۋرۋحاناعا جەتكىزىلدى», دەلىنگەن وبلىستىق تجد ءباسپاسوز قىزمەتى تاراتقان حابارلامادا.

جارىلىس سالدارىنان 1970 جىلى تۋعان ەر ادام مەن 1971 جىلى تۋعان ايەل زارداپ شەكتى, ولار كۇيىكپەن قاراعاندى قالاسىنىڭ وبلىستىق مەديتسينالىق ورتالىعىنا جاتقىزىلدى. وقيعا ورنىندا 36 قىزمەتكەر مەن 8 بىرلىك تەحنيكا جۇمىس ىستەپ ءجۇر.

قالا اكىمدىگى زارداپ شەككەن تۇرعىندارعا جاتاقحاناداعى ورىنداردى ۇسىندى. وقيعانىڭ ءمان-جايى انىقتالىپ جاتىر.