قايرات قۇدايبەرگەننىڭ قاماۋ مەرزىمى ەكى ايعا ۇزارتىلدى, دەپ حابارلايدى Egemen.kz.
«الماتى قالاسىنىڭ مامانداندىرىلعان اۋدانارالىق تەرگەۋ سوتىنىڭ مالىمەتى بويىنشا, 20 قاڭتاردا سوت شەشىمىمەن سوتقا دەيىنگى تەرگەپ-تەكسەرۋ ورگانىنىڭ ارىزى قاناعاتتاندىرىلىپ, تەرگەۋ ماتەريالدارىمەن تانىسۋ كەزەڭىندە قاماۋدا ۇستاۋ مەرزىمىن ۇزارتۋعا سانكتسيا بەردى. قايرات قۇدايبەرگەنگە قاتىستى قىلمىستىق ءىستى 2 اي مەرزىمگە, ياعني 2023 جىلدىڭ 21 ناۋرىزىنا دەيىن ۇزارتتى», دەپ حابارلادى الماتى قالالىق سوتىنىڭ ءباسپاسوز قىزمەتىنەن.
الماتى قالاسى ءماسليحاتىنىڭ دەپۋتاتى قايرات قۇدايبەرگەننىڭ ۇستالعانى 2022 جىلدىڭ 22 ساۋىرىندە بەلگىلى بولدى.
الماتى پروكۋراتۋراسى الدىن الا مالىمەت بويىنشا, قايرات قۇدايبەرگەن «ديكي» ارمانمەن بىرگە قاڭتار وقيعاسى كەزىندە نارازىلىق بىلدىرۋشىلەردى بىرىكتىرۋ ءۇشىن ءبىر توپ ادامدى جيناعانىن حابارلادى.
شىلدە ايىندا قايرات قۇدايبەرگەن دەپۋتاتتىق مانداتىنان ايىرىلدى.