بۇگىن تۇركىستان وبلىسى شاردارا اۋدانى اكىمدىگىندە كامەلەت جاسقا تولماعان جاسوسپىرىمدەر اراسىنداعى سۋيتسيد ماسەلەسى بويىنشا ءماجىلىس ءوتتى, دەپ حابارلايدى Egemen.kz.
جيىنعا اۋدان اكىمىنىڭ ورىنباسارى باۋىرجان شومپيەۆ, اۋدان پروكۋرورىنىڭ ورىنباسارى ءسابيت نۇراحىم, اۋداندىق پوليتسيا ءبولىمى باستىعىنىڭ ورىنباسارى بەكزات ەرحانوۆ, اۋداننىڭ يمامى مارات اسانوۆ, پسيحولوگ ماماندار, مۇعالىمدەر, ادامي الەۋەتتى دامىتۋ ءبولىمىنىڭ وكىلدەرى, تاربيە ىسىنە جاۋاپتى مەكتەپ مۇعالىمدەرى, اتا-انالار كوميتەتى جانە كامەلەتكە تولماعان جاسوسپىرىمدەردىڭ ءىسى جانە ولاردىڭ قۇقىعىن قورعاۋ بويىنشا قۇرىلعان كوميسسيا قۇرامى قاتىستى.
نەگىزگى ماسەلە جاسوسپىرىمدەر اراسىنداعى ءوز-وزىنە قول جۇمساۋدىڭ سەبەپ-سالدارى مەن ونىمەن كۇرەسۋ تۇرعىسىندا اتقارىلاتىن جۇمىستار بويىنشا اۋدان پروكۋروتۋراسى, پوليتسيا ءبولىمى جانە ادامي الەۋەتتى دامىتۋ ءبولىمىنىڭ وكىلدەرى بايانداما جاسادى.
سونداي-اق تۇركىستان وبلىسى قوعامدىق دەنساۋلىق ساقتاۋ باسقارماسىنىڭ پسيحولوگ مامانى م.بايمۇحانبەتوۆ بالامەن جۇمىس ىستەۋ جانە ءوز-وزىنە قول جۇمساۋعا سەبەپ بولاتىن جاعدايلار مەن ونىڭ الدىن الۋ ادىستەرىمەن تانىستىردى.
«اقپاراتتىق يدەولوگيانىڭ تاسقىنداعان زامانىندا, ونىڭ ىشىندە بالالارىمىزدىڭ ساناسىن ۋلايتىن عالامتوردا ءتۇرلى ساياسي اقپاراتتار مەن باعدارلامالار ءجۇرىپ جاتقانى بەلگىلى. مۇنداي كەزدە اتا-انا, مۇعالىم جانە اتقارۋشى بيلىك وكىلدەرى مەن باسقا دا جاسوسپىرىمدەرمەن جۇمىس ىستەيتىن ماماندار بەلسەندى جۇمىس ىستەۋى كەرەك. مەكتەپتەردەگى پسيحولوگ مامانداردىڭ جۇمىسىن كۇشەيتىپ, دۇرىس ۇيلەستىرۋ كەرەك», دەدى جيىندا ءسوز العان ادامي الەۋەتتى دامىتۋ ءبولىمى باسشىسىنىڭ مىندەتىن اتقارۋشى انافيا قادىربەكوۆا.
سونىمەن قاتار باسقا دا قاتىسۋشىلار ءوز ويلارى مەن ۇسىنىستارىن ورتاعا سالدى.
ءماجىلىستىڭ قورتىندىسىندا ناقتى ناتيجەگە قول جەتكىزۋ ءۇشىن جۇمىس جوسپارلارى پىسىقتالىپ, تاپسىرمالار بەرىلدى.