باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى ۇسىنعان دەرەكتەرگە قاراعاندا, 2022 جىلدىڭ قاڭتار-قاراشا ايلارىندا قارجى پيراميداسىنان زارداپ شەككەندەر الاياقتارعا 8,11 ملرد تەڭگە بەرگەن, دەپ حابارلايدى Egemen.kz.
Ranking زەرتتەۋىندە كورسەتىلگەندەي, سوڭعى بەس جىلدا قازاقستانداعى ينۆەستيتسيالىق پيراميدالار بويىنشا قىلمىستىق ىستەردىڭ ستاتيستيكاسى وسكەن. 2019 جىلى قارجى پيراميدالارىن جاساۋشىلارعا قاتىستى قوزعالعان قىلمىستىق ىستەردىڭ سانى سالىستىرمالى تۇردە از بولعان, ال پاندەميانىڭ ءبىرىنشى جىلىندا ول بىردەن جەتى ەسە, ياعني 24-تەن 180-گە دەيىن ءوستى. 2020 جىلى كەلگەن شىعىن كولەمى ءۇش ەسەگە, ياعني 1,59 ملرد تەڭگەدەن 6,17 ملرد تەڭگەگە دەيىن ءوستى. داعدارىس كەزىندە حالىق دەۆالۆاتسيا مەن ينفلياتسياعا ۇرىنىپ قالماۋى ءۇشىن قاراجاتتارىن ينۆەستيتسيالاۋ مۇمكىندىگىن ىزدەدى.
2021 جىلى قارجىلىق قىلمىستاردىڭ سانى ءبىرشاما ازايدى (6,1% تومەندەدى), بىراق كەلتىرىلگەن زيان بىرنەشە ەسە, ياعني 33,34 ملرد تەڭگەگە دەيىن ءوستى.
2022 جىلى مۇنداي سيپاتتاعى قىلمىستار ءبىرشاما ازايدى - قاڭتار-قاراشا ايلارىندا 127 ءىس تىركەلدى. 2021 جىلدىڭ سايكەس كەزەڭىمەن سالىستىرعاندا قۇقىق بۇزۋشىلىقتار 24,8%-عا ازايعان. تيىسىنشە, زارداپ شەككەندەر سانى 1,2 مىڭنان 625 ادامعا دەيىن ازايدى.