بيىل الماتى اكىمدىگى كوپدەڭگەيلى اۆتوتۇراقتار سالۋ باعدارلاماسىن جۇزەگە اسىرا باستايدى. بۇل تۋرالى قالا اكىمى ەربولات دوساەۆ الاتاۋ اۋدانىنىڭ تۇرعىندارىمەن كەزدەسۋ بارىسىندا ايتتى, دەپ حابارلايدى Egemen.kz.
اتالعان ماسەلەنى اۋدان تۇرعىندارىنىڭ ءبىرى كوتەردى. ونىڭ ايتۋىنشا, قالاداعى بازارلار ماڭىندا اۆتوتۇراقتاردىڭ جەتىسپەۋشىلىگى ىڭعايسىزدىق تۋدىرادى.
الماتى اكىمى بۇل ساۋالعا جاۋاپ بەرە وتىرىپ, قالا بويىنشا كوپدەڭگەيلى اۆتوتۇراقتار سالىناتىنىن اتاپ ءوتتى.
ء«بىز قالا بويىنشا كوپدەڭگەيلى اۆتوتۇراقتاردى اشامىز. پاركينگتەن تۇسەتىن كىرىستەر جەرگىلىكتى بيۋدجەتكە تۇسەدى. بيىل باعدارلامانى باستايمىز, ورىن ىزدەۋ ءجۇرىپ جاتىر», دەدى ەربولات دوساەۆ.