كاسىپكەر ءارى قارجىگەر تيمۋر تۋرلوۆ قازاقستان شاحمات فەدەراتسياسىنىڭ پرەزيدەنتى بولدى. بۇل تۋرالى فەدەراتسيا ۆيتسە-پرەزيدەنتى دارمەن سادۋاقاسوۆ ءوزىنىڭ Facebook پاراقشاسىندا جازدى, دەپ حابارلايدى Egemen.kz.
بۇعان دەيىن ۇيىمنىڭ پرەزيدەنتى قىزمەتىن عالىم حۇسايىنوۆ اتقارعان.
تيمۋر تۋرلوۆ 1987 جىلى 13 قاراشادا ماسكەۋدە دۇنيەگە كەلگەن. 2004 جىلى ماسكەۋ مەملەكەتتىك ۋنيۆەرسيتەتى ەكونوميكا جانە باسقارۋ فاكۋلتەتىنە وقۋعا ءتۇستى. ۋنيۆەرسيتەتتى بىتىرگەننەن كەيىن تيمۋر تۋرلوۆ «ەكونوميست-مەنەدجەر» ماماندىعى بويىنشا ديپلوم الدى, سونىمەن قاتار بروكەرلىك, ديلەرلىك قىزمەت جانە باعالى قاعازداردى باسقارۋ قىزمەتى بويىنشا قارجى نارىعىنىڭ مامانى رەتىندە قوسىمشا وقۋدان ءوتتى.
2003 جىلى ول World Capital Investments (WCI) كومپانياسىندا ساۋدا جاساي باستادى. 2005 جىلدان 2008 جىلعا دەيىن «Uniastrum Bank» ينۆەستيتسيالىق بولىمشەسىنىڭ قىزمەتكەرى بولدى, ول اقش قور نارىعىنداعى وپەراتسيالارعا قاتىستى.
2011 جىلى قازاقستانعا كوشىپ كەلدى.
2013 جىلى تيمۋر تۋرلوۆ الماتىدا «Freedom Finance» اق بروكەرلىك كومپانياسىن اشسا, 2015 جىلى Freedom Holding Corp. قۇرىلدى.
2022 جىلى وتباسىمەن قازاقستاندا 10 جىلدان استام تۇرعان تيمۋر تۋرلوۆ رەسمي تۇردە قازاقستان رەسپۋبليكاسىنىڭ ازاماتتىعىن الدى.