باس پروكۋروردىڭ ورىنباسارى تۇڭعىش پرەزيدەنتتىڭ وتباسىنا تيەسىلى م ۇلىكتەرگە قاتىستى سۇراققا جاۋاپ بەردى, دەپ حابارلايدى Egemen.kz.
«بىزدە تۇڭعىش پرەزيدەنتتىڭ وتباسىنا نەمەسە باسقا بىرەۋگە قارسى ءىس قوزعاۋ مىندەتى جوق. ءبىز ەلدەن زاڭسىز شىعارىلعان بارلىق كاپيتالدى تەكسەرۋمەن جانە قايتارۋمەن اينالىسامىز. قازىر ادىلەت مينيسترلىگى زاڭنامانى قايتا قاراۋ جانە ۇيلەستىرۋ بويىنشا جۇمىس جۇرگىزىپ جاتىر. ءتيىستى تۇزەتۋلەر قىلمىستىق كودەكسكە ءالى ەنگىزىلگەن جوق. ادىلەت مينيسترلىگى قانداي زاڭنامالار تۇڭعىش پرەزيدەنت پەن ونىڭ وتباسىنا قاتىستى, ال قايسىسى قاتىستى ەمەس ەكەنىن انىقتاۋ ءۇشىن تالداۋ جاسايدى», دەدى باس پروكۋروردىڭ ورىنباسارى اسەت شىنداليەۆ.
ونىڭ ايتۋىنشا, قارجى مونيتورينگى اگەنتتىگى, سىبايلاس جەمقورلىققا قارسى كۇرەس اگەنتتىگى, ىشكى ىستەر مينيسترلىگى جانە ۇلتتىق قاۋىپسىزدىك كوميتەتى سىندى ۆەدومستۆولار جەتكىلىكتى نەگىزدەردى انىقتاسا, قىلمىستىق ءىس قوزعالۋى مۇمكىن.
ايتولعان ءجۇنىسحان,
ل.ن. گۋميلەۆ اتىنداعى ەۇۋ ستۋدەنتى