قازاقستاننىڭ ەلشىسى مالىك مىرزالين وربەلياني سارايىندا گرۋزيا پرەزيدەنتى سالومە زۋرابيشۆيليگە سەنىم گراموتالارىن تاپسىردى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
كەزدەسۋ بارىسىندا ەلشى گرۋزيا پرەزيدەنتىنە قازاقستان پرەزيدەنتى قاسىم-جومارت توقاەۆتىڭ جىلى لەبىزدەرى مەن ىزگى تىلەكتەرىن جەتكىزدى. قازاقستان گرۋزيامەن ەكىجاقتى ىنتىماقتاستىقتى ودان ءارى نىعايتۋعا, ونىڭ ىشىندە ساۋدا-ەكونوميكالىق جانە كولىكتىك-لوگيستيكالىق ءوزارا ءىس-قيمىلدى جانداندىرۋعا زور ءمان بەرىپ وتىرعانىن حابارلادى.
ءوز كەزەگىندە گرۋزيا پرەزيدەنتى قازاقستان گرۋزيانىڭ ماڭىزدى جانە سەنىمدى سەرىكتەسى ەكەنىن اتاپ ءوتتى.
قازاقستان ەلشىسى گرۋزيا باسشىسىن ەلىمىزدە جۇرگىزىلىپ جاتقان ساياسي جانە الەۋمەتتىك-ەكونوميكالىق رەفورمالارمەن تانىستىردى.
پرەزيدەنت س. زۋرابيشۆيلي قازاقستان پرەزيدەنتىنىڭ باستاماشىلىعىمەن جۇرگىزىلىپ جاتقان وڭ وزگەرىستەرگە جوعارى باعا بەردى.
سۇحبات بارىسىندا بارلىق ءوزارا ءتيىمدى سالالاردا ەكىجاقتى بايلانىستاردى ودان ءارى جان-جاقتى كەڭەيتۋگە جانە تەرەڭدەتۋگە دەگەن ورتاق مۇددەلىلىك اتاپ ءوتىلدى.
كەزدەسۋ سوڭىندا گرۋزيا پرەزيدەنتى قازاقستان ەلشىسىن رەسمي قىزمەتكە كىرىسۋىمەن قۇتتىقتاپ, ەكى ەل اراسىنداعى قاتىناستى ودان ءارى نىعايتۋ جولىنداعى جۇمىسىنا تابىس تىلەدى.