اقتوبە قالالىق سوتىندا «جەڭىلدەتىلگەن دەپوزيت» قارجى پيراميداسىنىڭ ۇيىمداستىرۋشىلارىنا قاتىستى سوت ۇكىمى جاريالاندى, دەپ حابارلايدى Egemen.kz سوتتىڭ ءباسپاسوز قىزمەتىنە سىلتەمە جاساپ.
قارجى پيراميداسىن قۇردى دەگەن ايىپپەن 6 ادامنان قۇرىلعان قىلمىستىق توپ قاماۋدا وتىر.
ء«ىس ماتەريالدارىنا سايكەس, جاۋاپكەر ا. 2019-2020 جىلدارى ۇيىمداسقان توپتى, سونداي-اق قارجى پيراميداسىن «پايدالى دەپوزيت» جشس, ياعني جەكە جانە زاڭدى تۇلعالاردان اقشا تارتۋ ارقىلى تابىس اكەلەتىن ۇيىم قۇرىپ, ونى باسقارعان. بۇل ۇيىم سالىمشىلارعا باسقا ازاماتتاردىڭ اقشالاي جارنالارى ەسەبىنەن كىرىس الۋعا ۋادە بەرگەن. جالپى شىعىن 4 ميلليارد تەڭگەدەن اسادى, ال ونىڭ ىشىندە 700-دەن استام ادام زارداپ شەككەن. ەلىمىزدىڭ ءۇش وبلىسىندا قىلمىستىق قۇقىق بۇزۋشىلىقتار جاسالدى. سوتتالۋشىلار كىناسىن مويىنداۋدان باس تارتتى, كەلتىرىلگەن زالال وتەلمەدى», دەپ حابارلادى سوتتىڭ ءباسپاسوز قىزمەتىنەن.
سوت قارجى پيراميداسىنىڭ باسشىسىن 7 جىل مەرزىمگە كوممەرتسيالىق جانە قارجىلىق ۇيىمداردا باسشىلىق قىزمەت اتقارۋ قۇقىعىنان ايىرا وتىرىپ, 10 جىلعا باس بوستاندىعىنان ايىردى.
قىلمىستىق توپتىڭ قالعان بەس مۇشەسى 7 جىل مەرزىمگە كوممەرتسيالىق جانە قارجىلىق ۇيىمداردا باسشىلىق قىزمەت اتقارۋ قۇقىعىنان ايىرىلىپ, 8 جىلعا سوتتالدى.