پرەزيدەنت اكىمشىلىگىنىڭ بۇرىنعى مەملەكەتتىك ينسپەكتورى قۋانىش اسىلوۆ شىمكەنت قالاسى اكىمىنىڭ ءبىرىنشى ورىنباسارى بولىپ تاعايىندالدى, دەپ حابارلايدى Egemen.kz.
قۋانىش جۇمابەك ۇلى 1973 جىلى 14 ناۋرىزدا الماتى قالاسىندا دۇنيەگە كەلگەن.
ەڭبەك جولى:
1995-2002 جىلدارى بيزنەس قۇرىلىمدارىندا جەتەكشى قىزمەتتە;
2002-2006 جىلدارى مەملەكەتتىك ورگاندارداعى قىزمەتتە;
2006-2010 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ رەسمي ءىس-شارالار جانە سىرتقى بايلانىستار سەكتورىنىڭ مەڭگەرۋشىسى;
2011-2013 جىلدارى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ قارجىلىق بۇزۋشىلىقتاردى زەرتتەۋ ورتالىعىنىڭ ديرەكتورى;
2013-2014 جىلدارى قازاقستان رەسپۋبليكاسى ءبىلىم جانە عىلىم مينيسترلىگى جاستار ءىسى جونىندەگى كوميتەتىنىڭ توراعاسى;
2014-2017 جىلدارى قازاقستان رەسپۋبليكاسى مادەنيەت جانە سپورت مينيسترلىگى قوعامدىق-ساياسي جۇمىس جانە ءتىل ساياساتى كوميتەتىنىڭ توراعاسى;
2017-2018 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ قوعامدىق-ساياسي سەكتورىنىڭ مەڭگەرۋشىسى;
2018-2019 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ تالداۋ ورتالىعى باسشىسىنىڭ ءبىرىنشى ورىنباسارى;
2019-2023 جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتتەرىن اتقارعان سونداي-اق ول قازاقستان كاسىپقوي بوكس فەدەراتسياسىنىڭ ءبىرىنشى ۆيتسە-پرەزيدەنتى, قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى تۇلەكتەرى قاۋىمداستىعىنىڭ پرەزيدەنتى.
«قۇرمەت» وردەنىنىڭ, «ەرەن ەڭبەگى ءۇشىن», «قازاقستان رەسپۋبليكاسى ۇلتتىق قاۋىپسىزدىك كوميتەتىنە 25 جىل» مەملەكەتتىك مەدالدارىنىڭ يەگەرى.