«ۇلكەن دۋلىعانى» جەڭىسپەن باستادى

اۋسترالياداعى «ۇلكەن دۋلىعا» ءتۋرني­رىنىڭ 22-راكەتكاسى بولىپ تىركەلگەن جەرلە­سىمىز العاشقى اينالىمدا دۇنيەجۇزىلىك رەيتينگتە 48-ورىندا تۇرعان يتاليالىق ەلي­زابەتتا كوچچارەتتومەن شەبەرلىك بايقاستى. بۇعان دەيىن قارسىلاستار ءوزارا ءبىر رەت كەزدەسىپ, وندا قازاقستان تەننيسشىسى جەڭىسكە جەتكەن ەدى. بۇل جولى دا ەلەنا رىباكينا باسىمدىق تانىتتى – 7:5, 6:3.

ءبىر ساعات 20 مينۋتقا سوزىلعان ماتچتا ەلەنا 5 ەيس جاساپ, 12 برەيك-پوينتتىڭ بەسەۋىن پايدالانا ءبىلدى. ەندى ە.رىباكينا ءۇشىنشى اينالىمعا شىعۋ ءۇشىن الەمنىڭ 104-راكەتكاسى سلوۆەنيالىق كايا يۋۆان نەمەسە رەيتينگتە 185-ساتىداعى فران­تسيا­لىق سەلەنا يانيچيەۆيچتىڭ بىرەۋىمەن تالاسادى.