التى جىلدان كەيىنگى التىن

بيىلعى قىسقى ۋنيۆەرسيادا ء«ا» دەگەننەن قازاقستان سپورتشىلارى ءۇشىن ءساتتى باستالدى. جارىستىڭ ءۇشىنشى كۇنىندە بيات­لون سايىسىندا سىنعا تۇسكەن جەرلەسەمىز ۆاديم كۋرالەس 15 شاقىرىمعا جەكەلەي جارىستا مارە سىزىعىن ءبىرىنشى كەشىپ, قىسقى ۋنيۆەرسيادانىڭ باس جۇلدەسىن جەڭىپ الدى. ول ءتورت وق اتۋ ايماعىندا ءبىر مارتە قاتەلىككە بوي الدىرىپ, اتالعان قاشىقتىقتى 44 مينۋت, 37 سەكۋندتا باعىندىردى. ەكىنشى ورىنعا وق اتۋ كەزەڭىندە ءتورت مارتە قاتەلەسكەن نورۆەگيالىق وريان موسەنگ يە بولدى. ول جەر­لەسىمىزدەن 42,6 سەكۋندقا قالىپ قويدى. ال ۇزدىك ۇشتىك­تى فرانتسيالىق الەكس گارن تۇيىندەدى. ونىڭ ۋاقىت كور­سەت­­كىشى – 43 مينۋت, 53 سەكۋند. سون­­داي-اق تاعى ءبىر قازاقستان سپورت­شىسى الەكساندر مۋحين مارەگە التىنشى بولىپ جەتتى. الەكساندر وق اتۋ كەزەڭىندە بەس مارتە قاتەلەستى.

وسىلايشا, قازاقستان قۇ­را­ماسى اراعا التى جىل سالىپ قىسقى ۋنيۆەرسيادانىڭ العاشقى التىنىن جەڭىپ الدى. جەرلەستەرىمىز ەڭ كەيىنگى رەت 2017 جىلى الاتاۋ باۋرايىندا ۇيىمداستىرىلعان ستۋدەنتتەر دوداسىندا جەڭىس تۇعىرىنان كورىنگەن بولاتىن. ال 2019 جىلى رەسەيدىڭ كراسنويارسك قا­لا­سىندا وتكەن ۋنيۆەرسيادادا 4 كۇمىس, 4 قولا مەدالدى قاناعات تۇتقان-دى.

اقش-تاعى ۋنيۆەرسيادانىڭ ءتورتىنشى جارىس كۇنىنەن كەيىن جالپىكوماندالىق ەسەپتە جا­پونيا سپورتشىلارى 3 التىن, 1 كۇمىس, 1 قولا مەدالمەن كوش باستاپ كەلەدى. 2 التىن, 1 كۇمىس, 3 قولاسى بار فرانتسيا ەكىنشى ورىنعا جايعاسسا, ءۇشىنشى ساتىدا چەحيا سپورتشىلارى ورنالاسقان. ولاردىڭ ەنشىسىندە – 1 التىن, 1 كۇمىس, 1 قولا مەدال بار. ال ءبىر-ءبىر التىندى قورجىنعا سالعان قازاقستان مەن كانادا 6-ورىندى ءوزارا ءبولىسىپ تۇر.

جالپى بيىلعى ۋنيۆەر­سيادادا قازاقستان نامىسىن 78 سپورتشى قورعاپ جاتىر. ونىڭ ىشىندە شاڭعىمەن جارىسۋدان – 14, شورت-ترەكتەن – 12, بياتلون­نان – 9, مانەرلەپ سىرعاناۋ مەن كونكيمەن جۇگىرۋدەن – 6, سنوۋ­بورد, تاۋ شاڭعىسى سپور­تى, تۇعىردان سەكىرۋ مەن قوس­سايىستان – 2, شايبالى حوككەيدەن 23 قازاقستاندىق ستۋدەنت بار.

قازىرگە دەيىن قازاقستاندىق سپورتشىلار قىسقى ۋنيۆەرسيادالاردا 85 جۇلدەگە (28 التىن, 25 كۇمىس پەن 32 قولا) قول جەتكىزگەن. ياعني جالپى مەدال ەسەبىندە 15-ورىندا تۇر.