ەكى زاڭسىز ەپيزود الماتىنىڭ الاتاۋ اۋدانىندا بولعان, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
ەكى وقيعاعا دا قالاداعى كوللەدجدەردىڭ بىرىندە وقيتىن كامەلەتكە تولماعان ستۋدەنتتەر قاتىسقان.«بۇل دەرەكتەر الەۋمەتتىك جەلىلەرگە جۇرگىزىلگەن مونيتورينگ بارىسىندا انىقتالدى. ءبىرىنشى جاعدايدا وقيعانىڭ 15 جاستاعى قاتىسۋشىلارى ۆيدەونىڭ 2022 جىلدىڭ اقپانىندا تۇسىرىلگەنىن حابارلادى. ولار ءوز كىنالارىن تولىق مويىندادى. قىزداردىڭ اتا-انالارىنا قاتىستى قر اقبك-ءنىڭ 127, 435-بابى بويىنشا اكىمشىلىك حاتتامالار تولتىرىلدى. بيىلعى جىلدىڭ 4 قاڭتارىندا «ۇلجان» ىقشاماۋدانىندا قىزدىڭ دەنەسىنە زاقىم كەلتىرگەن تاعى ءۇش قىزدىڭ اتا-اناسىنا دا وسىنداي شارالار قولدانىلدى. توبەلەسكە قاتىسۋشىلار تىركەۋگە الىنىپ, يۋۆەنالدى پوليتسيا ينسپەكتورلارىنىڭ باقىلاۋىندا بولادى», دەدى الاتاۋ اۋداندىق پوليتسيا باسقارماسىنىڭ باستىعى, پوليتسيا پولكوۆنيگى تالعات بەركىنباەۆ.